ಬೆಂಗಳೂರು: ರಚಿತಾ ರಾಂ ಇತ್ತೀಚೆಗೆ ಕನ್ನಡ ಚಿತ್ರರಂಗದಲ್ಲಿ ಸ್ಟಾರ್ ನಟರಿಗೆ ಲಕ್ಕಿ ಸ್ಟಾರ್ ಆಗಿ ಗುರುತಿಸಿಕೊಳ್ಳುತ್ತಿದ್ದಾರೆ. ಇದೀಗ ಶ್ರೀಮುರಳಿ ಅಭಿನಯದ ‘ಭರಾಟೆ’ ಚಿತ್ರದ ಹಾಡೊಂದರಲ್ಲಿ ಗೆಸ್ಟ್ ಅಪಿಯರೆನ್ಸ್ ಮಾಡಲು ರಚಿತಾ ಒಪ್ಪಿಕೊಂಡಿರುವ ಸುದ್ದಿ ಬಂದಿದೆ.
ರಚಿತಾ ರಾಂ ಈ ಹಿಂದೆ ‘ರಥಾವರ’ ಸಿನಿಮಾದಲ್ಲಿ ಶ್ರೀ ಮುರಳಿಗೆ ಜೋಡಿಯಾಗಿದ್ದರು. ಈಗ ‘ಭರಾಟೆ’ಯಲ್ಲಿ ಸ್ಟಾರ್ ನಟಿಯಾಗಿಯೇ ಒಂದು ಹಾಡಿನಲ್ಲಿ ನಾಯಕ ಶ್ರೀ ಮುರಳಿ ಮತ್ತು ಶ್ರೀಲೀಲಾ ಜತೆಗೆ ಹೆಜ್ಜೆ ಹಾಕಲಿದ್ದಾರೆ.
ಇಂದಿನಿಂದ ನೆಲಮಂಗಲ ಬಳಿ ಹಾಡಿನ ಚಿತ್ರೀಕರಣ ನಡೆಯಲಿದೆ. ಹಾಡಿನ ದೃಶ್ಯವೊಂದಕ್ಕೆ ಸ್ಟಾರ್ ನಟಿಯೊಬ್ಬರ ಅಗತ್ಯವಿತ್ತು. ಅದಕ್ಕೆ ರಚಿತಾ ಬಳಿ ಕೇಳಿದಾಗ ಖುಷಿಯಿಂದಲೇ ಒಪ್ಪಿಕೊಂಡರು ಎಂದು ನಿರ್ದೇಶಕ ಚೇತನ್ ಹೇಳಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
