ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಸಾವು ಎಲ್ಲರನ್ನೂ ನೋವಿಗೆ ದೂಡಿದೆ. ಅದರಲ್ಲೂ ಅಪ್ಪುಗೆ ಆಪ್ತರಾಗಿದ್ದ ನಟ-ನಟಿಯರಿಗೆ ಈ ಸಾವು ಆಘಾತ ತಂದಿದೆ.
ಸದಾ ಸೋಷಿಯಲ್ ಮೀಡಿಯಾದಲ್ಲಿ ಸಕ್ರಿಯರಾಗಿದ್ದ ನಟಿ ರಕ್ಷಿತಾ ಬಾಲ್ಯದಿಂದೇ ಅಪ್ಪು ಒಡನಾಡಿ. ಈ ಸಾವು ಅವರಿಗೆ ಹೇಳಲಾರದ ಆಘಾತ ತಂದಿದೆ. ಎರಡು ದಿನ ಸೋಷಿಯಲ್ ಮೀಡಿಯಾದಿಂದಲೇ ಕಾಣೆಯಾಗಿದ್ದ ರಕ್ಷಿತಾ ಈಗ ಪುನೀತ್ ಬಗ್ಗೆ ಭಾವುಕ ಸಂದೇಶ ನೀಡುತ್ತಿದ್ದಾರೆ.
ಇನ್ನು, ಪುನೀತ್ ಕುಟುಂಬದವರೂ ಆದ ನಟ ವಿಜಯ್ ರಾಘವೇಂದ್ರ ಎರಡು ದಿನಗಳ ಪುನೀತ್ ಬಗ್ಗೆ ಪೋಸ್ಟ್ ಮಾಡಿದ್ದು, ನಿಮ್ಮ ಸ್ಥಾನವನ್ನು ಯಾರಿಂದಲೂ ಸಾಧ‍್ಯವಾಗಲ್ಲ ಎಂದು ಸಂಕಟ ತೋಡಿಕೊಂಡಿದ್ದಾರೆ. ನಟ ಶ್ರೀಮುರಳಿ, ರಿಷಬ್ ಶೆಟ್ಟಿ ಸೇರಿದಂತೆ ಅನೇಕರು ತಮ್ಮ ಸೋಷಿಯಲ್ ಮೀಡಿಯಾ ಪುಟದ ಪ್ರೊಫೈಲ್ ಫೋಟೋದಲ್ಲಿ ಪುನೀತ್ ಭಾವಚಿತ್ರ ಹಾಕಿ ಗೌರವ ನೀಡಿದ್ದಾರೆ.
