ಅಯ್ಯಪ್ಪ ಸ್ವಾಮಿ ಭಕ್ತದಿಗಳಿಗೇನು ನಮ್ಮ ದೇಶದಲ್ಲಿ ಕಮ್ಮಿ ಇಲ್ಲ ಸ್ವಾಮಿ. ಕೋಟಿ‌ಕೋಟಿ ಜನ ಅಯ್ಯಪ್ಪನನ್ನ ಆರಾಧಿಸ್ತಾರೆ, ಪೂಜಿಸ್ತಾರೆ. ಮಾಲೆ ಹಾಕಿ ಅಯ್ಯಪ್ಪನ ದರ್ಶನ ಮಾಡ್ಕೊಂಡು ಬರ್ತಾರೆ. ಅರೇ ಅಯ್ಯಪ್ಪನ ಸೀಸನ್ ಮುಗಿತಲ್ವಾ ಅಂದ್ರಾ, ಹೂ ಆದ್ರೆ, ಸ್ಯಾಂಡಲ್ ವುಡ‌ನಲ್ಲಿ ಅಯ್ಯಪ್ಪನ ಭಜನೆ ಶುರುವಾಗಿದೆ.
ಯಾಕೆ ಅಂತೀರಾ ಅದಕ್ಕೆ ಕಾರಣ ಅಯ್ಯಪ್ಪನ ಬಗ್ಗೆ ರಿಲೀಸ್ ಆಗಿರೋ ರ್ಯಾಪ್ ಸಾಂಗ್. ಪುಕ್ಸಟ್ಟೆ ಲೈಫು ಪುರುಸೋತ್ತೆ ಇಲ್ಲ ಚಿತ್ರದ ಈ ಹಾಡಿಗೆ ವಾಸು ದೀಕ್ಷಿತ್ ಅದಿತಿ ಸಾಗರ್ ಕಂಠ ನೀಡಿದ್ದಾರೆ.
ಸಂಚಾರಿ ವಿಜಯ್, ಅಚ್ಯುತ್ ಕುಮಾರ್, ರಂಗಾಯಣ ರಘು ಅಭಿನಯದ ಚಿತ್ರಕ್ಕೆ ಅರವಿಂದ್ ಕಲ್ಪಿಕರ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಸರ್ವಸ್ವ ಪ್ರೊಡಕ್ಷನ್ ನಿರ್ಮಿಸ್ತಿರೋ ಈ ಚಿತ್ರದ ಚಿತ್ರೀಕರಣ ಮುಗಿದಿದ್ದು, ಸದ್ಯದಲ್ಲಿಯೇ ತೆರೆಮೇಲೆ ಬರಲಿದೆ.
