ಬೆಂಗಳೂರು: ಇತ್ತೀಚೆಗಿನ ದಿನಗಳಲ್ಲಿ ಸ್ಯಾಂಡಲ್ ವುಡ್ ಸಿನಿಮಾಗಳು ವಿದೇಶಗಳಲ್ಲೂ ಸದ್ದು ಮಾಡುತ್ತಿರುವುದು ಸಾಮಾನ್ಯವಾಗಿದೆ. ಈಗ ಆ ಸಾಲಿಗೆ ಪ್ರಿಯಾಂಕಾ ಉಪೇಂದ್ರ ಅಭಿನಯದ ದೇವಕಿ ಸಿನಿಮಾವೂ ಸೇರಿದೆ.
ಪ್ರಿಯಾಂಕಾ ಉಪೇಂದ್ರ ಮತ್ತು ಪುತ್ರಿ ಐಶ್ವರ್ಯಾ ಇದೇ ಮೊದಲ ಬಾರಿಗೆ ತೆರೆಯಲ್ಲಿ ಕಾಣಿಸಿಕೊಂಡಿದ್ದ ದೇವಕಿ ಸಿನಿಮಾ ರಾಜ್ಯಾದ್ಯಂತ ಬಿಡುಗಡೆಯಾಗಿ ಮೆಚ್ಚುಗೆಗೆ ಪಾತ್ರವಾಗಿತ್ತು.
ಈ ಸಿನಿಮಾವೀಗ ಸಿಂಗಾಪುರ್ ನಲ್ಲಿ ತೆರೆ ಕಾಣಲಿದೆ. ಆಗಸ್ಟ್ 4 ರಂದು ಭಾನುವಾರ ಮೊದಲ ಶೋ ತೆರೆಕಾಣಲಿದೆ. ಈ ಶೋ ವೀಕ್ಷಿಸಲು ಪ್ರಿಯಾಂಕಾ ಉಪೇಂದ್ರ ಜತೆಗೆ ರಿಯಲ್ ಸ್ಟಾರ್ ಉಪೇಂದ್ರ ಕೂಡಾ ಹಾಜರಿರಲಿದ್ದಾರೆ. ಇಲ್ಲಿನ ಕನ್ನಡಿಗರಿಗೆ ರಿಯಲ್ ಸ್ಟಾರ್ ದಂಪತಿಗಳನ್ನು ಭೇಟಿಯಾಗಲು ಮತ್ತು ಒಂದು ಒಳ್ಳೆಯ ಸಿನಿಮಾ ನೋಡಲು ಉತ್ತಮ ಅವಕಾಶ ಎದುರಾಗಿದೆ.
