ಹೈದರಾಬಾದ್: ಬಾಹುಬಲಿ ಬಳಿಕ ಪ್ರಭಾಸ್ ಅಭಿನಯಿಸಿದ್ದ ಸಿನಿಮಾ ಸಾಹೋ. ಇದು ಅಷ್ಟೇನೂ ಗಳಿಕೆ ಮಾಡಲಿಲ್ಲ. ಅದಾದ ಬಳಿಕ ಕೆಲವು ಸಮಯದ ಬ್ರೇಕ್ ಪಡೆದಿರುವ ಪ್ರಭಾಸ್ ಹೊಸ ಸಿನಿಮಾ ಯಾವುದೆಂದು ನಾಳೆ ಘೋಷಣೆಯಾಗಲಿದೆ.
ಪ್ರಭಾಸ್ ಗೆ ಇದು 20 ನೇ ಸಿನಿಮಾವಾಗಲಿದ್ದು, ಈ ಸಿನಿಮಾವನ್ನು ನಿರ್ದೇಶಿಸುತ್ತಿರುವುದು ರಾಧಾ ಕೃಷ್ಣ ಕುಮಾರ್. ಪ್ರಭಾಸ್ ಗೆ ಪೂಜಾ ಹೆಗ್ಡೆ ನಾಯಕಿಯಾಗಲಿದ್ದಾರೆ.
ಆದರೆ ಈ ಸಿನಿಮಾದ ಟೈಟಲ್ ಏನು ಎಂಬುದು ನಾಳೆ ಬಹಿರಂಗವಾಗಲಿದೆ. ನಾಳೆ 10 ಗಂಟೆಗೆ ಸಿನಿಮಾದ ಟೈಟಲ್ ಜತೆಗೆ ಫಸ್ಟ್ ಲುಕ್ ಬಿಡುಗಡೆಯಾಗಲಿದೆ. ಮೂಲಗಳ ಪ್ರಕಾರ ಇದೂ ಕೂಡಾ ತೆಲುಗು ಮಾತ್ರವಲ್ಲದೆ, ಹಿಂದಿ, ಮಲಯಾಳಂ ಮತ್ತು ತಮಿಳು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.
