ಬೆಂಗಳೂರು: ಕಿಚ್ಚ ಸುದೀಪ್ ಅಭಿನಯದ ಬಹುಭಾಷೆಗಳಲ್ಲಿ ಬಿಡುಗಡೆಯಾದ ಸೂಪರ್ ಹಿಟ್ ಚಲನಚಿತ್ರ ಪೈಲ್ವಾನ್ ಇಂದು ಕನ್ನಡ ಕಿರುತೆರೆಯಲ್ಲಿ ಇದೇ ಮೊದಲ ಬಾರಿಗೆ ಪ್ರಸಾರವಾಗುತ್ತಿದೆ.
ಜೀ ಕನ್ನಡ ಪೈಲ್ವಾನ್ ಸಿನಿಮಾ ಹಕ್ಕು ಖರೀದಿ ಮಾಡಿತ್ತು. ಅದರಂತೆ ಇಂದು ಸಂಜೆ 7 ಗಂಟೆಗೆ ಪೈಲ್ವಾನ್ ಸಿನಿಮಾ ಇದೇ ಮೊದಲ ಬಾರಿಗೆ ಕನ್ನಡ ಕಿರುತೆರೆಯಲ್ಲಿ ಪ್ರಸಾರವಾಗಲಿದೆ. ಇದಕ್ಕೂ ಮೊದಲು ಹಿಂದಿಯಲ್ಲಿ ಈ ಸಿನಿಮಾ ಪ್ರಸಾರವಾಗಿತ್ತು. ಕಿಚ್ಚ ಸುದೀಪ್ ಜತೆಗೆ ಸುನಿಲ್ ಶೆಟ್ಟಿಯ ಖಡಕ್ ಅಭಿನಯ ನೋಡಲು ಈ ಸಿನಿಮಾ ನೋಡಲೇಬೇಕು.
ಇನ್ನೊಂದೆಡೆ ಸಂಜೆ 6 ಗಂಟೆಗೆ ಉದಯ ಟಿವಿಯಲ್ಲಿ ನೀನಾಸಂ ಸತೀಶ್ ಮತ್ತು ಅದಿತಿ ಪ್ರಭುದೇವ ಅಭಿನಯದ ಕಾಮಿಡಿ ಎಂಟರ್ ಟೈನರ್ ‘ಬ್ರಹ್ಮಚಾರಿ’ ಸಿನಿಮಾ ಪ್ರಸಾರವಾಗಲಿದೆ. ಇದೂ ಕೂಡಾ ಇತ್ತೀಚೆಗಷ್ಟೇ ಬಿಡುಗಡೆಯಾಗಿ ಹಿಟ್ ಆದ ಸಿನಿಮಾ. ಹೀಗಾಗಿ ಇಂದಿನ ದಿನದಂತ್ಯಕ್ಕೆ ಭರ್ಜರಿ ಮನರಂಜನೆ ಸಿಗಲಿದೆ.
