ಬೆಂಗಳೂರು: ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ರಿಯಾಲಿಟಿ ಶೋ ಡ್ರಾಮಾ ಜ್ಯೂನಿಯರ್ಸ್ ನಿಂದ ಟಿಎನ್ ಸೀತಾರಾಂ ಹೊರಬಂದಿರುವುದು ಹಳೇ ಸುದ್ದಿ. ಲೇಟೆಸ್ಟ್ ಸುದ್ದಿ ಏನಪ್ಪಾ ಅಂದ್ರೆ ಸೀತಾರಾಂ ಜಾಗಕ್ಕೆ ‘ಮುಖ್ಯಮಂತ್ರಿ’ ಆ ಜಾಗ ತುಂಬಲಿದ್ದಾರೆ.
ಮುಖ್ಯಮಂತ್ರಿ ಎಂದಾಕ್ಷಣ ಸಿಎಂ ಸಿದ್ದರಾಮಯ್ಯನವರಾ ಎಂದು ಅಂದುಕೊಳ್ಳಬೇಕಾಗಿಲ್ಲ. ಈ ಮುಖ್ಯಮಂತ್ರಿ ಸಿಎಂ ಅಲ್ಲ. ಮುಖ್ಯಮಂತ್ರಿ ಚಂದ್ರು.
ಹಿರಿಯ ನಿರ್ದೇಶಕನ ಸ್ಥಾನ ತುಂಬಲು ಇದೀಗ ಹಿರಿಯ ನಟ ಚಂದ್ರು ಬರಲಿದ್ದಾರೆ. ರಂಗಭೂಮಿ, ಹಿರಿತೆರೆ, ಕಿರುತೆರೆ ಸೇರಿದಂತೆ ಎಲ್ಲಾ ರಂಗದಲ್ಲೂ ಅನುಭವಿಯಾಗಿರುವ ಮುಖ್ಯಮಂತ್ರಿ ಚಂದ್ರು ಇನ್ನು ಮುಂದೆ ಮಕ್ಕಳಿಗೆ ಹೇಗೆ ಕಿವಿ ಮಾತು ಹೇಳ್ತಾರೆ ಕಾದು ನೋಡ್ಬೇಕು.
