ಬೆಂಗಳೂರು: ಕಿರಿಕ್ ಪಾರ್ಟಿ ಚಿತ್ರದಲ್ಲಿ ಬಬ್ಲಿಯಾಗಿ ಕಾಣಿಸಿಕೊಂಡಿದ್ದ ನಟಿ ಸಂಯುಕ್ತಾ ಹೆಗಡೆಗೆ ಈಗ ಭರ್ಜರಿ ಅದೃಷ್ಟ ಖುಲಾಯಿಸಿದೆ.
ಕಿರಿಕ್ ಪಾರ್ಟಿ ಚಿತ್ರದ ನಂತರ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದ ಸಂಯುಕ್ತಾ, ಇದೀಗ ಪ್ರಭುದೇವಾ ಜತೆ ಸಿನಿಮಾ ಮಾಡಲಿದ್ದಾರೆ.
ಭಾರತದ ಮೈಕಲ್ ಜ್ಯಾಕ್ಸನ್ ಎಂದೇ ಪ್ರಖ್ಯಾತರಾಗಿರುವ ಮೂಲತಃ ಕನ್ನಡಿಗ ನಟ, ನಿರ್ದೇಶಕ ಪ್ರಭುದೇವಾ ಅವರು ನಾಯಕರಾಗಿ ಅಭಿನಯಿಸುತ್ತಿರುವ ಚಿತ್ರಕ್ಕೆ ಸಂಯುಕ್ತಾ ನಾಯಕಿಯಾಗಲಿದ್ದಾರೆ. ಲವ್ ಕಮ್ ಕಾಮಿಡಿ ಬೇಸ್ ಇರುವ ಚಿತ್ರದಲ್ಲಿ ಸಂಯುಕ್ತಾ ಡ್ಯಾನ್ಸರ್ ಪಾತ್ರ ಮಾಡಲಿದ್ದಾರೆ. ಪ್ರಭುದೇವಾ ಜತೆ ಡ್ಯಾನ್ಸ್ ಮಾಡಲಿರುವ ವಿಚಾರವೇ ಸಂಯುಕ್ತಾಗೆ ಥ್ರಿಲ್ ನೀಡುತ್ತಿದೆಯಂತೆ!
