ಬೆಂಗಳೂರು: ತಾವು ನಿರೂಪಣೆ ಮಾಡುತ್ತಿರುವ ಬಿಗ್ ಬಾಸ್ ರಿಯಾಲಿಟಿ ಶೋ ಮನೆಯಲ್ಲಿ ಪ್ರಥಮ್ ಗೆ ಹುಚ್ಚ ವೆಂಕಟ್ ಹೊಡೆದಿದ್ದಕ್ಕೆ ಸಿಕ್ಕಾಪಟ್ಟೆ ಸಿಟ್ಟು ಮಾಡಿಕೊಂಡಿದ್ದ ಕಿಚ್ಚ ಸುದೀಪ್, ವೆಂಕಟ್ ವಿಡಿಯೋ ಸಂದೇಶದಲ್ಲಿ ಕಿಚ್ಚನನ್ನು ಸಮಾಧಾನಿಸಿದ್ದಕ್ಕೆ ತಣ್ಣಗಾಗಿದ್ದಾರೆ.
ಕ್ಷಮೆ ಯಾಚಿಸಿದ ವೆಂಕಟ್ ವಿಡಿಯೋ ನೋಡಿದ ಬಳಿಕ ಟ್ವಿಟರ್ ನಲ್ಲಿ ಪ್ರತಿಕ್ರಿಯಿಸಿರುವ ಕಿಚ್ಚ ನಿಮ್ಮ ಮಾತುಗಳಿಂದ ತುಂಬಾ ಖುಷಿಯಾಗಿದೆ. ಖಂಡಿತಾ ನನ್ನ ಮನೆ ಬಾಗಿಲು ನಿನಗಾಗಿ ತೆರೆದಿರುತ್ತದೆ ಎಂದು ಪ್ರತಿಕ್ರಿಯಿಸಿದ್ದಾರೆ.
ಈ ನಡುವೆ ಟ್ವಿಟರ್ ನಲ್ಲಿ 5 ಲಕ್ಷ ಹಿಂಬಾಲಕರನ್ನು ಹೊಂದಿದ ಏಕೈಕ ಕನ್ನಡದ ನಟ ಎಂಬ ಗರಿಮೆಗೂ ಕಿಚ್ಚ ಸುದೀಪ್ ಇಂದು ಪಾತ್ರರಾಗಿದ್ದಾರೆ. ಕಳೆದ ಒಂದು ವರ್ಷದಿಂದ ಟ್ವಿಟರ್ ನಲ್ಲಿ ಆಕ್ಟಿವ್ ಆಗಿರುವ ಸುದೀಪ್ ಈ ಮೂಲಕ ಅಭಿಮಾನಿಗಳೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
