ಪ್ರಕಾಶ್ ರೈಗೆ "ನಿನ್ನ ಜಾತಿ ಯಾವುದೆಂದು" ಅಪಮಾನ

ನಟ ಪ್ರಕಾಶ್ ರೈ ಅಪ್ಪಟ ಕನ್ನಡಿಗ ಎಂಬುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ಆದರೂ ಅವರು ಎಲ್ಲಾ ಜಾತಿ ಭಾಷೆಗಳನ್ನು ಮೀರಿ ಬೆಳೆದವರು. ತೆಲುಗು, ತಮಿಳಿನಲ್ಲಂತೂ ಅವರಿಗೆ ಅಭಿಮಾನಿಗಳ ದೊಡ್ಡ ಬಳಗವೇ ಇದೆ. ಎಲ್ಲಾ ಭಾಷೆಗಳಲ್ಲೂ ಅವರು ನಿರರ್ಗಳವಾಗಿ ಮಾತನಾಡುತ್ತಾರೆ ಕೂಡ.

ಹಿಂದಿಯಲ್ಲೂ ಅಭಿನಯಿಸಿದ್ದಾರೆ ಪ್ರಕಾಶ್ ರೈ. ಪ್ರಸ್ತುತ ತಮಿಳುನಾಡಿನಲ್ಲಿ ನಡೆಯಲಿರುವ ನಿರ್ಮಾಪಕರ ಸಂಘದ ಚುನಾವಣೆಯಲ್ಲಿ ಉಪಾಧ್ಯಕ್ಷ ಪದವಿಗೆ ಪ್ರಕಾಶ್ ರೈ ಸ್ಪರ್ಧಿಸುತ್ತಿದ್ದಾರೆ. ಇದುವರೆಗೂ ಪ್ರಕಾಶ್ ರೈ 20 ಸಿನಿಮಾಗಳನ್ನು ನಿರ್ಮಿಸಿದ್ದಾರೆ. ಆದರೆ ನಡಿಗರ್ ಸಂಘ ಚುನಾವಣೆ ಸಮಯದಲ್ಲಿ ತೆಲುಗು ಮೂಲದ ನಟ ವಿಶಾಲ್‍ಗೆ ವಿರೋಧ ವ್ಯಕ್ತವಾಗಿತ್ತು.

ಆ ಘಟನೆ ಇನ್ನೂ ಹಸಿಯಾಗಿರುವಾಗಲೇ ಈಗ ಪ್ರಕಾಶ್ ರೈರನ್ನು ಕನ್ನಡಿಗ ಎಂದು ವಿರೋಧಿಸುತ್ತಿದ್ದಾರೆ. ತನ್ನ ಜಾತಿಯ ಬಗ್ಗೆ, ಭಾಷೆಯ ಬಗ್ಗೆ ಕೇಳುತ್ತಿದ್ದಾರಂತೆ. ಇದರಿಂದ ಪ್ರಕಾಶ್ ರೈ ಮನಸ್ಸಿಗೆ ತುಂಬಾ ಬೇಸರವಾಗಿದೆಯಂತೆ. ಏನೇ ಆಗಲಿ ಹಿಂದಡಿಯಂತೂ ಇಡಲ್ಲ. ಉಪಾಧ್ಯಕ್ಷರಾಗಿ ಆಯ್ಕೆಯಾಗಿ ನಿರ್ಮಾಪಕರ ಸಂಘದಲ್ಲಿನ ಭ್ರಷ್ಟಾಚಾರ, ನಿರ್ಲಕ್ಷ್ಯ ಧೋರಣೆಯನ್ನು ತೊಡೆದುಹಾಕುತ್ತೇನೆಂದು ಕಂಕಣಕಟ್ಟಿದ್ದಾರೆ ಪ್ರಕಾಶ್ ರೈ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.