ಮಂಡ್ಯ: ಇತ್ತೀಚೆಗಷ್ಟೇ ಮದುವೆಯಾದ ನಟ ಅಭಿಷೇಕ್ ಅಂಬರೀಶ್ ಮತ್ತು ಅವಿವಾ ದಂಪತಿ ಇಂದು ಮಂಡ್ಯದಲ್ಲಿ ತಮ್ಮ ತವರಿನ ಜನರಿಗಾಗಿ ಬೀಗರ ಔತಣಕೂಟ ಏರ್ಪಡಿಸಿದ್ದರು.
ಈ ಕಾರ್ಯಕ್ರಮಕ್ಕೆ ರೆಬಲ್ ಸ್ಟಾರ್ ಅಂಬರೀಶ್ ಕುಟುಂಬದ ಅಭಿಮಾನಿ ಬಳಗ ಸಾವಿರಾರು ಸಂಖ್ಯೆಯಲ್ಲಿ ಬಂದಿತ್ತು. ಎಲ್ಲರಿಗೂ ಬಾಡೂಟದ ವ್ಯವಸ್ಥೆ ಮಾಡಲಾಗಿತ್ತು.
ಇನ್ನು, ಬೀಗರ ಔತಣ ಕೂಟಕ್ಕೆ ಬಂದ ಅಭಿಮಾನಿಗಳನ್ನು ಸ್ವತಃ ಅಭಿ-ಅವಿವಾ ದಂಪತಿ ಜೊತೆಗೆ ಸುಮಲತಾ ಅಂಬರೀಶ್ ಬರಮಾಡಿಕೊಂಡರು. ಈ ವೇಳೆ ಅಭಿಮಾನಿಯೊಬ್ಬರು ಎತ್ತಿನ ಹೊಟ್ಟೆ ಮೇಲೆ ಅಭಿ-ಅವಿವಾ ಚಿತ್ರ ಬಿಡಿಸಿ ವಿಶಿಷ್ಟವಾಗಿ ಉಡುಗೊರೆ ಕೊಟ್ಟಿದ್ದಾರೆ. ಅಭಿಮಾನಿಯ ಅಭಿಮಾನಕ್ಕೆ ಮನಸೋತ ಅಭಿ ದಂಪತಿ ಅಲಂಕರಿಸಿದ ಎತ್ತಿನ ಜೊತೆಗೆ ಫೋಟೋಗೆ ಪೋಸ್ ನೀಡಿದ್ದಾರೆ.
