ಚೆನ್ನೈ : ಲೇಡಿ ಸೂಪರ್ ಸ್ಟಾರ್ ನಟಿ ನಯನತಾರಾ ಅಭಿನಯದ ನೆಟ್ರಿಕನ್ ಚಿತ್ರದ ಟೀಸರ್ ಇತ್ತೀಚೆಗಷ್ಟೆ ಬಿಡುಗಡೆಯಾಗಿತ್ತು. ಇದಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ ಎನ್ನಲಾಗಿದೆ.
ನಟಿ ನಯನತಾರಾ ಅಭಿನಯದ ನೆಟ್ರಿಕನ್ ಚಿತ್ರವನ್ನು ನಯನತಾರಾ ಗೆಳೆಯ ವಿಘ್ನೇಶ್ ಶಿವನ್ ನಿರ್ಮಿಸಿದ್ದಾರೆ, ನಿರ್ದೇಶಕ ಮಿಲಿಂದ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಇತ್ತೀಚೆಗೆ ನಟ ನಯನತಾರಾ ಹುಟ್ಟುಹಬ್ಬದಂದು ಅವರ ಗೆಳೆಯ ವಿಘ್ನೇಶ್ ಬರ್ತಡೇ ಸರ್ಪ್ರೈಸ್ ಆಗಿ ಈ ಚಿತ್ರದ ಟೀಸರ್ ಬಿಡುಗಡೆ ಮಾಡಿದ್ದಾರೆ.
ಇದರಲ್ಲಿ ನಯನತಾರಾ ದೃಷ್ಟಿಹೀನ ವ್ಯಕ್ತಿಯಾಗಿ ನಟಿಸಿದ್ದು, ಇದರ ಟೀಸರ್ ಪ್ರಸ್ತುತ 4 ಮಿಲಿಯನ್ ವೀವ್ಸ್ ನ್ನು ಪಡೆದುಕೊಂಡಿದೆ ಎಂಬುದಾಗಿ ತಿಳಿದುಬಂದಿದೆ.
