ಮತ್ತೆ ಶುರುವಾಗಲಿದೆ ಉಪ್ಪಿ-ಚಾಂದಿನಿ ಜೋಡಿ ಮೋಡಿ

ಬೆಂಗಳೂರು:ಬರೋಬ್ಬರಿ 19 ವರ್ಷಗಳ ನಂತರ ಚಾಂದಿನಿ ರೀಯಲ್ ಸ್ಟಾರ್ ಉಪೇಂದ್ರ ಅವರೊಂದಿಗೆ ಮೋಡಿ ಮಾಡಲಿದ್ದಾರೆ. 1998ರಲ್ಲಿ ಉಪೇಂದ್ರ ನಾಯಕತ್ವದ ಚೊಚ್ಚಲ ಚಿತ್ರ ‘ಎ’ ಮೂಲಕ ಮೋಡಿ ಮಾಡಿದ್ದ ಈ ಜೋಡಿ ಮತ್ತಾವ ಸಿನಿಮಾಗಳಲ್ಲೂ ಸೇರಿರಲಿಲ್ಲ. ’ಉಪೇಂದ್ರ ಮತ್ತೆ ಬಾ’ ಚಿತ್ರದ ಮೂಲಕ ಉಪ್ಪಿ-ಚಾಂದಿನಿ ಮತ್ತೆ ಒಂದಾಗಿದ್ದಾರೆ.  

ಉಪೇಂದ್ರ ಮತ್ತೆ ಬಾ ಇದು ‘ಸೊಗ್ಗಾಡೆ ಚಿನ್ನಿ ನಾಯನ’ ತೆಲುಗು ಚಿತ್ರದ ರಿಮೇಕ್. ಇಲ್ಲಿ ಉಪೇಂದ್ರ ಜತೆ ಶ್ರುತಿ ಹರಿಹರನ್, ಪ್ರೇಮಾ, ದೀಪ್ತಿ ಕಪ್ಸೆ, ಹರ್ಷಿಕಾ ಪೂಣಚ್ಚ ನಟಿಸುತ್ತಿದ್ದಾರೆ. ಈ ನಡುವೆ ಚಾಂದಿನಿ ಕೂಡ ಚಿತ್ರತಂಡ ಸೇರಿಕೊಂಡಿದ್ದಾರೆ. ಆದರೆ ಚಾಂದಿನಿ ನಾಯಕಿಯಲ್ಲ. ಬದಲಿಗೆ ಚಿಕ್ಕದೊಂದು ಅತಿಥಿ ಪಾತ್ರ ಮಾಡುತ್ತಿದ್ದಾರೆ. ಜತೆಗೊಂದು ಹಾಡಿಗೂ ಹೆಜ್ಜೆ ಹಾಕಿದ್ದಾರೆ. 

‘19 ವರ್ಷಗಳ ಹಿಂದೆ ‘ಎ’ ಚಿತ್ರಕ್ಕಾಗಿ ಆಫರ್ ಬಂದಾಗ ನಾನು ನ್ಯೂಯಾರ್ಕ್​ನಲ್ಲಿದ್ದೆ. ಕಾಕತಾಳೀಯವೆಂದರೆ ಮತ್ತೆ ನ್ಯೂಯಾರ್ಕ್​ನಲ್ಲಿ ಇದ್ದಾಗಲೇ ‘ಉಪೇಂದ್ರ ಮತ್ತೆ ಬಾ’ ಚಿತ್ರದ ಆಫರ್ ಕೂಡ ಬಂತು. ರೀಲೋ ಅಥವಾ ರಿಯಲ್ಲೋ ಗೊತ್ತೇ ಆಗಲಿಲ್ಲ’ ಎಂದು ಚಾಂದಿನಿ ಸಂತಸ ಹಂಚಿಕೊಂಡಿದ್ದಾರೆ.

ವೆಬ್ ದುನಿಯಾ ಫ್ಯಾಂಟಸಿ ಕ್ರಿಕೆಟ್ ಲೀಗ್: ಆಡಿ 2.5 ಲಕ್ಷ ರೂ. ಮೌಲ್ಯದ ಬಹುಮಾನ ಗೆಲ್ಲಿ.. ವೆಬ್ ದುನಿಯಾ ಫ್ಯಾಂಟಸಿ ಲೀಗ್`ನಲ್ಲಿ ಭಾಗವಹಿಸಲು ಈ ಲಿಂಕ್ ಕ್ಲಿಕ್ ಮಾಡಿ..

http://kannada.fantasycricket.webdunia.com/

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ