ಚಂದನ್ ಶೆಟ್ಟಿ, ನಿವೇದಿತಾ ನಡುವೆ ಪತಿ-ಪತ್ನಿ ಸಂಬಂಧವೇ ಇರಲಿಲ್ಲ: ಲಾಯರ್ ನೀಡಿದ ಹೇಳಿಕೆ

Photo Credit: Instagram

ಬೆಂಗಳೂರು: ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ ನಡುವಿನ ವಿಚ್ಛೇದನ ಸಡನ್ ಆಗಿ ಹೇಗೆ ಆಯ್ತು, ಇಷ್ಟು ಬೇಗ ಇಬ್ಬರಿಗೂ ಹೇಗೆ ನ್ಯಾಯಾಲಯ ವಿಚ್ಛೇದನ ಮಂಜೂರು ಮಾಡಿತು ಎಂದು ಎಲ್ಲರೂ ಅಚ್ಚರಿಪಟ್ಟಿದ್ದರು. ಆದರೆ ಅಸಲಿ ಸತ್ಯ ಬೇರೆಯೇ ಇದೆ.

ಚಂದನ್ ಶೆಟ್ಟಿ ಮತ್ತು ನಿವೇದಿತಾ ನಡುವೆ ಕಳೆದ ಒಂದು ವರ್ಷದಿಂದ ಎಲ್ಲವೂ ಸರಿಯಿಲ್ಲ.ಒಂದು ವರ್ಷದ ಹಿಂದೆಯೇ ಅವರು ಬೇರೆಯಾಗುವ ತೀರ್ಮಾನಕ್ಕೆ ಬಂದಿದ್ದರು. ಮಧ್ಯಸ್ಥಿಕೆ ವಹಿಸಿ ಮಾತುಕತೆ ನಡೆಸಿದರೂ ಅವರು ಸರಿ ಹೋಗಲು ಸಾಧ್ಯವೇ ಇಲ್ಲ ಎನಿಸಿದಾಗ ಬೇರೆಯಾಗಲು ತೀರ್ಮಾನಿಸಿದರು ಎಂದು ಅವರ ಪರ ಲಾಯರ್ ಮಾಧ್ಯಮಗಳಿಗೆ ಹೇಳಿಕೆ ನೀಡಿದ್ದಾರೆ.

ಅಷ್ಟೇ ಅಲ್ಲ,ದೆ ಇಷ್ಟು ಬೇಗ ಕೋರ್ಟ್ ವಿಚ್ಛೇದನ ನೀಡಲು ಸಾದ್ಯವಿಲ್ಲ ಎಂಬ ಅನುಮಾನಗಳಿಗೂ ಅವರು ಉತ್ತರ ನೀಡಿದ್ದಾರೆ. ಚಂದನ್ ಮತ್ತು ನಿವೇದಿತಾ ಕಳೆದ ಆರು ತಿಂಗಳಿನಿಂದ ಪತಿ-ಪತ್ನಿಯ ಸಂಬಂಧ ನಡೆಸುತ್ತಿಲ್ಲ. ಇಬ್ಬರೂ ಜೊತೆಯಾಗಿರಲು ಸಾಧ್ಯವೇ ಇಲ್ಲ ಎಂಬ ಸ್ಥಿತಿಯಲ್ಲಿದ್ದರು. ಹೀಗಾಗಿ ವಿಚ್ಛೇದನಕ್ಕೆ ಮುಂದಾದರು ಎಂದಿದ್ದಾರೆ.

ಇನ್ನು ನಿವೇದಿತಾ ಯಾವುದೇ ಜೀವನಾಂಶಕ್ಕೆ ಬೇಡಿಕೆಯಿಟ್ಟಿಲ್ಲ. ಅಲ್ಲದೆ ಇಬ್ಬರಿಗೂ ಮಕ್ಕಳೂ ಇಲ್ಲ. ಹೀಗಾಗಿ ವಿಚ್ಛೇದನ ಪ್ರಕ್ರಿಯೆ ಸುಲಭವಾಗಿ ಮುಗಿದಿದೆ. ಚಂದನ್ ಮತ್ತು ನಿವೇದಿತಾ ಐಡಿಯಲ್ ಕಪಲ್ ಎನ್ನುವ ಹಾಗಿದ್ದರೂ ಆದರೆ ಇಬ್ಬರೂ ವಿಚ್ಛೇದನ ಪಡೆದಿರುವುದು ಎಲ್ಲರಿಗೂ ಶಾಕ್ ಉಂಟು ಮಾಡಿದೆ.