ಬಾಲಿವುಡ್, ಸ್ಯಾಂಡಲ್ ವುಡ್ ಸೆಲೆಬ್ರಿಟಿಗಳಿಗೆ ಈಗ ಶುರುವಾಗಿದೆ ಮುದುಕರಂತೆ ಕಾಣುವ ಚಾಳಿ!

ಬೆಂಗಳೂರು: ಇತ್ತೀಚೆಗಷ್ಟೇ ಬಾಟಲ್ ಕ್ಯಾಪ್ ಚಾಲೆಂಜ್ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿತ್ತು. ಹಲವು ಬಾಲಿವುಡ್, ಸ್ಯಾಂಡಲ್ ವುಡ್ ನಟರು ಈ ಚಾಲೆಂಜ್ ನಲ್ಲಿ ಭಾಗವಹಿಸಿದ್ದರು.

ಈಗ ಮತ್ತೊಂದು ಸೋಷಿಯಲ್ ಮೀಡಿಯಾ ಅಭಿಯಾನ ಶುರುವಾಗಿದ್ದು, ಇದರಲ್ಲಿ ಸೆಲೆಬ್ರಿಟಿಗಳು ಫೇಸ್ ಚೇಂಜ್ ಆಪ್ ಮೂಲಕ ತಮ್ಮನ್ನು ವಯಸ್ಸಾದ ಮೇಲೆ ಹೇಗೆ ಕಾಣಬಹುದು ಎಂದು ಚಿತ್ರಿಸಿಕೊಂಡು ಫೋಟೋ ಅಪ್ ಲೋಡ್ ಮಾಡುತ್ತಿದ್ದಾರೆ.

ಬಾಲಿವುಡ್ ನಟ  ಅರ್ಜುನ್ ಕಪೂರ್, ದೀಪಿಕಾ ಪಡುಕೋಣೆ ವಯಸ್ಸಾದ ಮೇಲೆ ಯಾವ ರೀತಿ ಕಾಣಬಹುದು ಎಂಬ ಫೋಟೋಗಳು ಈಗಾಗಲೇ ವೈರಲ್ ಆಗಿದೆ. ಇದೀಗ ಇದು ನಮ್ಮ ಸ್ಯಾಂಡಲ್ ವುಡ್ ಗೂ ಕಾಲಿಟ್ಟಿದ್ದು, ನಟ ವಿಜಯ್ ಸೂರ್ಯ ತಮ್ಮನ್ನು ತಾವು ವಯಸ್ಸಾದ ಮೇಲೆ ಹೇಗೆ ಕಾಣಬಹುದು ಎಂಬ ಫೋಟೋ ಹಾಕಿಕೊಂಡು ನೀವೂ ಈ ಚಾಲೆಂಜ್ ಸ್ವೀಕರಿಸಬಹುದು ಎಂದು ಆಹ್ವಾನವಿತ್ತಿದ್ದಾರೆ. ಸದ್ಯದಲ್ಲೇ ಇತರ ಸ್ಯಾಂಡಲ್ ವುಡ್ ನಟರೂ ಈ ಚಾಲೆಂಜ್  ಸ್ವೀಕರಿಸುವುದು ಪಕ್ಕಾ.