ನಟಿಯನ್ನ ಕಾರಿನಿಂದ ಎಳೆದು ಲೈಂಗಿಕ ಕಿರುಕುಳ

ಶೂಟಿಂಗ್ ಮುಗಿಸಿಕೊಂಡು ಕಾರಿನಲ್ಲಿ ತೆರಳುತ್ತಿದ್ದ ನಟಿಯನ್ನ ತಡೆದ ಕಾಮುಕರು ನಡುರಸ್ತೆಯಲ್ಲಿ ಎಳೆದು ಲೈಂಗಿಕ ಕಿರುಕುಳ ನೀಡಿರುವ ಘಟನೆ ಕೋಲ್ಕತ್ತಾದಲ್ಲಿ ಮಂಗಳವಾರ ನಡೆದಿದೆ.

ಬೆಂಗಾಲಿ ನಟಿ ಕಾಂಚನಾ ಮೋಯಿತ್ರಾ ಕಿರುಕುಳಕ್ಕೊಳಗಾದ ನಟಿಯಾಗಿದ್ದು, ದುಷ್ಕರ್ಮಿಗಳು ಆಕೆಯ ಜೊತೆ ಅಸಭ್ಯವಾಗಿ ವರ್ತಿಸಿದ್ದಾರೆ. ದಕ್ಷಿಣ ಕೋಲ್ಕತ್ತಾದ ಬೆಹಲಾದಲ್ಲಿರುವ ತಮ್ಮ ನಿವಾಸಕ್ಕೆ ನಟಿ ತೆರಳುತ್ತಿದ್ದಾಗ ಈ ಘಟನೆ ನಡೆದಿದೆ. ಕಾರು ಸ್ರಿತಿ ಮೋರ್ ಬಳಿಗೆ ಬರುತ್ತಿದ್ದಂತೆ ಕುಡುಕರ ಗುಂಪು ಕಾರಿಗೆ ಕಲ್ಲಿನಿಂದ ಹೊಡೆದಿದ್ದಾರೆ. ಈ ಸಂದರ್ಭ ಡ್ರೈವರ್ ಕಾರು ನಿಲ್ಲಿಸಿದಾಗ ಅಕ್ಷರಶಃ ನರಕದ ದರ್ಶನವಾಗಿದೆ.

ಬಳಿಗೆ ಬಂದು ಅವಾಚ್ಯ ಶಬ್ದಗಳಿಂದ ನಿಂದಿಸಿದ 30 ವರ್ಷದ ಯುವಕರು ಕಾಂಚನಾರಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿ, ಕೀ ಕಿತ್ತುಕೊಂಡು ಕಾರಿನಿಂದ ಹೊರಗಳೆದು ಲೈಂಗಿಕ ಕಿರುಕುಳ ನೀಡಿದ್ದಾರೆ. 40 ಬಸಿಗೆ ಹೊಡೆಸಿದ್ದಾರೆ. ನಮ್ಮಿಂದೇನಾದರೂ ತಪ್ಪಾಗಿದ್ದರೆ ಕ್ಷಮೆ ಕೇಳುತ್ತೇವೆಂದು ನಟಿ ಕೈ ಮುಗಿದು ಗೋಗರೆದರೂ ಬಿಡಲಿಲ್ಲ.  

1ನನ್ನ ಡ್ರೈವರ್ ಮೇಲೆ ಹಲ್ಲೆ ನಡೆಸಿದ ದುಷ್ಕರ್ಮಿಗಳು ನನ್ನ ಕೈಹಿಡಿದು ಎಳೆದಾಡಿದರು. ಬಳಿಕ ನನ್ನ ಕೈಯಿಂದ ಡ್ರೈವರ್ ಕಪಾಳಕ್ಕೆ 10 ಏಟು ಮತ್ತು ಅವನ ಕೈಯಿಂದ ನನ್ನ ಕೆನ್ನೆಗೆ 10 ಏಟು ಹೊಡೆಸಿದರು. ಬಳಿಕ ನನ್ನಿಂದ 40 ಬಸಿಗೆ ಹೊಡೆಸಿದರು. ಆ ಸಂದರ್ಭ ನನ್ನ ಸಹಾಯಕ್ಕೆ ಯಾರೂ ಬರಲಿಲ್ಲ ಎಂದು ನಟಿ ನೀಡಿರುವ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ