ಮಂಗಳೂರು ಬೆಡಗಿ ಅನುಷ್ಕಾ ಶೆಟ್ಟಿಗೆ ಕಡೆಗೂ ಕಂಕಣಭಾಗ್ಯ ಕೂಡಿಬಂದಿದೆ. ಆಗ ಮದುವೆ ಆಗ್ತಾರೆ ಈಗ ಮದುವೆ ಅನ್ನೋ ಸುದ್ದಿಗಳು ಆಗಿದ್ದಾಗ್ಗೆ ಕೇಳಿಬರುತ್ತಲೇ ಇದ್ದವು. ಈಗ ಅವರ ಮದುವೆಗೆ ಸಮಯ ಕೂಡಿಬಂದಿದೆ. ಈಗಾಗಲೆ ಅನುಷ್ಕಾ ಶೆಟ್ಟಿ ಪೋಷಕರು ವರನನ್ನು ಹುಡುಕಿಯಾಗಿದೆಯಂತೆ.
ಬೆಂಗಳೂರು ಮೂಲದ ರಿಯಲ್ ಎಸ್ಟೇಟ್ ಉದ್ಯಮಿಯೊಬ್ಬರ ಕೈಹಿಡಿಯಲಿದ್ದಾರೆ ಅನುಷ್ಕಾ ಎನ್ನುತ್ತವೆ ಮೂಲಗಳು. ಈ ಉದ್ಯಮಿ ಅನುಷ್ಕಾ ಶೆಟ್ಟಿ ಕುಟುಂಬಕ್ಕೆ ತುಂಬಾ ಹತ್ತಿರದ ಸಂಬಂಧಿಯಂತೆ. ಬಹುಶಃ ಮುಂದಿನ ವರ್ಷ ಸಪ್ತಪದಿ ತುಳಿಯೋದು ಗ್ಯಾರಂಟಿ ಅಂತೆ ಅನುಷ್ಕಾ.
ಸದ್ಯಕ್ಕೆ ಕೈಯಲ್ಲಿರುವ ಪ್ರಾಜೆಕ್ಟ್‌ಗಳನ್ನ ಮುಗಿಸಿಕೊಂಡು ಗಂಡನ ಜೊತೆಗೆ ಹಾಯಾಗಿಬೇಕೆಂದು ಬಯಸಿದ್ದಾರಂತೆ. ಸದ್ಯಕ್ಕೆ ಬಾಹುಬಲಿ 2 ಚಿತ್ರದಲ್ಲಿ ಅನುಷ್ಕಾ ಅಭಿನಯಿಸುತ್ತಿರುವುದು ಗೊತ್ತಿರುವ ಸಂಗತಿ. ಇದರ ಜೊತೆಗೆ ಸೂರ್ಯ ಜೊತೆಗೆ ಸಿಂಗಂ 3 ಚಿತ್ರದಲ್ಲೂ ಅಭಿನಯಿಸಿದ್ದು ಆ ಚಿತ್ರ ಡಿಸೆಂಬರ್ 16ಕ್ಕೆ ತೆರೆಕಾಣುತ್ತಿದೆ.
ಈ ಹಿಂದೆ ಅನುಷ್ಕಾ ಮದುವೆಯಾಗಲಿರುವ ಸುದ್ದಿಯೂ ಹೊರಬಿದ್ದಿದ್ದು. ವಯಸ್ಸಾದ ನಿರ್ಮಾಪಕರೊಬ್ಬರ ಜೊತೆ ಸಂಬಂಧ ಕಲ್ಪಿಸಲಾಗಿತ್ತು. ಆಮೇಲೆ ಆ ಸುದ್ದಿ ಠುಸ್ ಆಯಿತು. ಈಗ ತಂದೆತಾಯಿ ನೋಡಿರುವ ಹುಡುಗನ ಕೈಹಿಡಿಯಲಿದ್ದಾರೆ ಎಂಬುದು ಲೇಟೆಸ್ಟ್ ನ್ಯೂಸ್.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
