ಬೆಂಗಳೂರು: ನಟ ಅಜೇಯ್ ರಾವ್ ಈಗ ಕೊರಿಯಾಗ್ರಫರ್ ಆಗಿದ್ದಾರೆ. ಅದೂ ರಿಲೀಸ್ ಆಗಲಿರುವ ತಮ್ಮ ಮುಂದಿನ ಚಿತ್ರ ಲವ್ ಯೂ ರಚ್ಚು ಸಿನಿಮಾಗಾಗಿ.
ಲವ್ ಯೂ ರಚ್ಚು ಸಿನಿಮಾದ ರೊಮ್ಯಾಂಟಿಕ್ ಹಾಡೊಂದು ಮೊನ್ನೆಯಷ್ಟೇ ಬಿಡುಗಡೆಯಾಗಿದೆ. ಈ ಹಾಡನ್ನು ಸುಮಧುರ ಕಂಠದ ಗಾಯಕ ಸಿದ್ ಶ್ರೀರಾಮ್ ಹಾಡಿದ್ದರು. ಈ ಹಾಡಿನಲ್ಲಿ ಅಜೇಯ್ ಹಾಗೂ ರಚಿತಾ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾರೆ.
ಅಂದ ಹಾಗೆ ಈ ರೊಮ್ಯಾಂಟಿಕ್ ಹಾಡಿಗೆ ನೃತ್ಯ ಸಂಯೋಜಿಸಿದ್ದು ಸ್ವತಃ ಅಜೇಯ್ ರಾವ್ ಅಂತೆ. ಹಾಗಂತ ಚಿತ್ರತಂಡ ಮಾಹಿತಿ ನೀಡಿದೆ. ಹೀಗಾಗಿ ತಮ್ಮ ಪಾಲಿಗೆ ಈ ಸಿನಿಮಾ ವಿಶೇಷವಾಗಿದೆ ಎಂದಿದ್ದಾರೆ ಅಜೇಯ್.
