ಬೆಂಗಳೂರು: ನವರಸ ನಾಯಕ ಜಗ್ಗೇಶ್ ಮತ್ತು ಹರಿಪ್ರಿಯಾ ಕೆಲವು ತಿಂಗಳುಗಳ ಹಿಂದೆ ನಮಗೆಲ್ಲಾ ನೀರ್ ದೋಸೆ ಉಣಬಡಿಸಿದ್ದರು. ನೀರ್ ದೋಸೆ ಉಣಬಡಿಸಿದ ಜಗ್ಗೇಶ್ ಇದೀಗ ಲೇಡೀಸ್ ಟೈಲರ್ ಹಿಂದೆ ಬಿದ್ದಿದ್ದಾರೆ!
ಅಂದರೆ ಲೇಡೀಸ್ ಟೈಲರ್ ಎಂಬ ಚಿತ್ರದಲ್ಲಿ ಅಭಿನಯಿಸಲಿದ್ದಾರೆ. ನೀರ್ ದೋಸೆ ಚಿತ್ರ ಮಾಡಿದ್ದ ಅದೇ ನಿರ್ದೇಶಕ ವಿಜಯ್ ಪ್ರಸಾದ್ ಈ ಚಿತ್ರಕ್ಕೂ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಅದೇ ತಂಡ ಮತ್ತೊಮ್ಮೆ ಮತ್ತೊಂದು ಚಿತ್ರ ಮಾಡಲು ಅಣಿಯಾಗುತ್ತಿದೆ.
ಹೀರೋಯಿನ್ ಯಾರು ಎನ್ನುವುದು ಇನ್ನೂ ಪಕ್ಕಾ ಆಗಿಲ್ಲ. ಹರಿಪ್ರಿಯಾ ಅಲ್ಲ ಎಂದು ಚಿತ್ರತಂಡದ ಮೂಲಗಳಿಂದ ಬಂದ ಸುದ್ದಿ. ಲೇಡೀಸ್ ಟೈಲರ್ ಎಂಬ ಟೈಟಲ್ ಜತೆಗೆ 34-34 ಎಂಬ ಕ್ಯಾಚೀ ಅಡಿಬರಹವೂ ಇದೆ. ಹಾಗಾಗಿ ಲೇಡೀಸ್ ಟೈಲರ್ ಕರಾಮತ್ತು ನೀರ್ ದೋಸೆ ಕೊಟ್ಟ ಘಮದ ಹಾಗೆಯೇ ಇರುತ್ತಾ ಕಾದು ನೋಡಬೇಕು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
