ಕೊಚ್ಚಿ: ಮಲಯಾಳಿ ಮೂಲದ ಬಹುಭಾಷಾ ತಾರೆ ಭಾವನಾ ಮೆನನ್ ಕನ್ನಡ ಸಿನಿಮಾ ನಿರ್ಮಾಪಕ ನವೀನ್ ಜತೆ ತ್ರಿಶ್ಶೂರ್ ನಲ್ಲಿ ಸಪ್ತಪದಿ ತುಳಿದಿದ್ದಾರೆ.
ಆಪ್ತರು ಮತ್ತು ಕುಟುಂಬದವರು ಸೇರಿದಂತೆ ಕೆಲವೇ ಆಹ್ವಾನಿತರ ಸಮ್ಮುಖದಲ್ಲಿ ಸಂಪ್ರದಾಯದ ಪ್ರಕಾರ ಭಾವನಾ-ನವೀನ್ ವಿವಾಹವಾದರು. ಸಂಜೆ ನಡೆಯುವ ಆರತಕ್ಷತೆಯಲ್ಲಿ ಮಲಯಾಳ ಸಿನಿಮಾ ಗಣ್ಯರು ಭಾಗವಹಿಸಲಿದ್ದಾರೆ.
ವಿವಾಹದ ನಂತರ ಮಾಧ್ಯಮಗಳ ಎದುರು ಕಾಣಿಸಿಕೊಂಡ ನೂತನ ದಂಪತಿ ಹೆಚ್ಚೇನೂ ಪ್ರತಿಕ್ರಿಯಿಸಲ್ಲ. ಬೆಂಬಲಿಸಿದ್ದಕ್ಕೆ ಧನ್ಯವಾದಗಳು ಎಂದಷ್ಟೇ ಭಾವನಾ ಹೇಳಿ ಮುನ್ನಡೆದರು. ಬೆಂಗಳೂರಿನಲ್ಲೂ ಸದ್ಯದಲ್ಲೇ ಆರತಕ್ಷತೆ ನಡೆಯಲಿದ್ದು, ಕನ್ನಡ ಸಿನಿಮಾ ರಂಗದ ಭಾವನಾ ಸ್ನೇಹಿತರೂ ಪಾಲ್ಗೊಳ್ಳುವ ನಿರೀಕ್ಷೆಯಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
