ವಾರದ ಹಿಂದೆಯಷ್ಟೇ ಹುಟ್ಟಿದ ಮಗನನ್ನು ಎದೆ ಮೇಲೆ ಮಲಗಿಸಿಕೊಂಡು ಮುದ್ದಾಡಿದ ಕಿರುತೆರೆ ನಟ ಚಂದನ್ ಕುಮಾರ್‌ಗೆ ತಾಯಂದಿರು ಬುದ್ಧಿ ಮಾತು ಹೇಳಿದ್ದಾರೆ.
ಲಕ್ಷ್ಮೀ ಬಾರಮ್ಮ ಧಾರಾವಾಹಿಯ ಮೂಲಕ ಖ್ಯಾತಿ ಪಡೆದ ನಟಿ ಕವಿತಾ ಗೌಡ ಹಾಗೂ ಚಂದನ್ ಕುಮಾರ್ ದಂಪತಿ ವಾರಗಳ ಹಿಂದೆ ಗಂಡು ಮಗುವನ್ನು ಸ್ವಾಗತಿಸಿದರು. ಡೆಲಿವರಿ ಆಗುವ ಮುಂಚೆ ಕೂಡಾ ಕವಿತಾ ಅವರನ್ನು ಡೆಲಿವರಿಗೆ ಕರೆದುಕೊಂಡು ಹೋಗುತ್ತಿರುವ ವಿಡಿಯೋವನ್ನು ಚಂದನ್ ಗೌಡ ಹಂಚಿಕೊಂಡಿದ್ದರು. ಅದಲ್ಲದೆ ಮಗುವಿನ ಕಾಲಿನ ಫೋಟೋವನ್ನು ಹಂಚಿಕೊಂಡಿದ್ದರು.
ಈಚೆಗೆ ಮಗುವನ್ನು ಹಿಡಿದುಕೊಂಡು ಚಂದನ್ ಗೌಡ ಹಾಗೂ ಕವಿತಾ ಮನೆಗೆ ಬರುತ್ತಿರುವ ವಿಡಿಯೋವನ್ನು ಶೇರ್ ಮಾಡಿದ್ದರು. ಇದೀಗ ಚಂದನ್ ಅವರು ತಮ್ಮ ಪುಟ್ಟ ಕಂದಮ್ಮನೊಂದಿಗೆ ಹಂಚಿಕೊಂಡಿರುವ ವಿಡಿಯೋ ನೋಡಿದ ನೆಟ್ಟಿಗರು ಬುದ್ಧಿಮಾತು ಹೇಳಿದ್ದಾರೆ.
ಹಂಚಿಕೊಂಡ ವಿಡಿಯೋದಲ್ಲಿ ಚಂದನ್ ತನ್ನ ಪುಟ್ಟ ಕಂದಮ್ಮನನ್ನು ಎದೆ ಮೇಲೆ ಮಲಗಿಸಿ ಮುದ್ದಾಡಿದ್ದಾರೆ. ಇದನ್ನು ನೋಡಿದ ಅವರ ಅಭಿಮಾನಿಗಳು ಅಯ್ಯೋ ಇನ್ನೂ ತಿಂಗಳು ಭರ್ತಿ ಆಗದ ಮಗು.. ಆ ಥರ ಮಲಗಿಸಿದ್ದೀರಾ ಎಂದಿದ್ದಾರೆ. ಮತ್ತೊಬ್ಬರು ಮಗುವಿಗೆ ಈಗಷ್ಟೇ ವಾರ ತುಂಬುತ್ತಿದೆ. ಹಾಗೆಲ್ಲ ಮಾಡಬಾರದು ತುಂಬಾ ಸೂಕ್ಷ್ಮವಾಗಿ ನೋಡಿಕೊಳ್ಳಬೇಕು ಎಂದು ಬುದ್ಧಿಮಾತು ಹೇಳಿದ್ದಾರೆ.
