ಬೆಂಗಳೂರಿನಲ್ಲಿ ನಡೆದಿದ್ದ ರೆಡ್ಮಿ ನೋಟ್-4 ಮೊಬೈಲ್ ಸ್ಫೋಟ ಅನ್ಯ ಚಾರ್ಜರ್ ಬಳಕೆಯಿಂದ ಸಂಭವಿಸಿದೆ ಎಂದ ಸಂಸ್ಥೆ ಸ್ಪಷ್ಟಪಡಿಸಿದೆ. ಮೊಬೈಲ್ ಮಾಲೀಕ ಅನ್ಯ ಚಾರ್ಜರ್ ಬಳಸಿದ್ದರಿಂದ ಫೋನ್ ಸ್ಫೋಟಗೊಂಡು ಬೆಂಕಿಜ್ವಾಲೆ ಹೊತ್ತಿಕೊಂಡಿದೆ. ತನಿಖೆ ವೇಳೆ ಈ ಸತ್ಯ ಧೃಡಪಟ್ಟಿದ್ದು, ಅದರ ಬದಲಾಗಿ ಹೊಸ ರೆಡ್ಮಿ ನೋಟ್-4 ಉಚಿತವಾಗಿ ನೀಡಿರುವುದಾಗಿ ಷಿಯಾಮಿ ಇಂಡಿಯಾ ತಿಳಿಸಿದೆ.
ಬೆಂಗಳೂರಿನಲ್ಲಿ ಮೊಬೈಲ್ ಸ್ಫೋಟಗೊಂಡ ಬಗ್ಗೆ ಇಂಟರ್ನೆಟ್`ನಲ್ಲಿ ಹರಿದಾಡುತ್ತಿದ್ದ ವಿಡಿಯೋ ಭಾರೀ ವಿವಾದಕ್ಕೆ ಕಾರಣವಾಗಿತ್ತು. ಸ್ಫೋಟಗೊಂಡ ಮೊಬೈಲ್`ಗೆ ಬದಲಾಗಿ ಬೇರೆ ಮೊಬೈಲ್ ನೀಡಿಲ್ಲವೆಂದು ಮಾಲೀಕ ದೂರನ್ನ ಸಹ ದಾಖಲಿಸಿದ್ದರು. ರೆಡ್ಮಿ ನೋಟ್-4 ಖರೀದಿಸಿದ್ದ ಬೇರೆ ಗ್ರಾಹಕರಿಗೂ ಈ ಬಗ್ಗೆ ಆತಂಕ ಶುರುವಾಗಿತ್ತು. ಇದೀಗ, ಎಲ್ಲ ಆತಂಕಗಳಿಗೆ ಷಿಯಾಮಿ ಇಂಡಿಯಾ ತೆರೆ ಎಳೆದಿದೆ.
ಮಂಗಳವಾರ ಇಂಟರ್ನೆಟ್`ನಲ್ಲಿ ಹರಿದಾಡಿದ ವಿಡಿಯೋ ರೆಡ್ಮಿ ನೋಟ್-4 ಸಂಬಂಧಿಸಿದ್ದಲ್ಲ. ನಕಲಿ ವಿಡಿಯೋ ಎಂದು ಸ್ಪಷ್ಟಪಡಿಸಿರುವ ಷಿಯಾಮಿ ಇಂಡಿಯಾ, ಇದೇವೇಳೆ, ರೆಡ್ಮಿ ಫೋನ್`ಗಳಿಗೆ ಅದರದ್ಧೇ ಚಾರ್ಜರ್ ಬಳಸುವಂತೆ ಸಂಸ್ಥೆ ಸ್ಪಷ್ಟವಾಗಿ ಹೇಳಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ