ಉಬರ್ ನಲ್ಲಿ ಪ್ರಯಾಣಿಸುವ ಸವಾರರಿಗೆ ಸಿಗಲಿದೆ ಉಚಿತ ವಿಮೆ

ಬೆಂಗಳೂರು : ಉಬರ್ ನಲ್ಲಿ ಪ್ರಯಾಣಿಸುವ ಸವಾರರಿಗೆ ಉಚಿತ ವಿಮೆ ನೀಡಲು ನಿರ್ಧರಿಸುವುದರ ಮೂಲಕ ಉಬರ್ ಪ್ರಯಾಣಿಕರಿಗೆ ಸಂಸ್ಥೆ ಸಿಹಿಸುದ್ದಿ ನೀಡಿದೆ.

ಉಬರ್ ಕಾರು, ಆಟೋ ಅಥವಾ ಉಬರ್‌ ಮೋಟೋ ಬಳಸುವ ಎಲ್ಲಾ ಪ್ರಯಾಣಿಕರಿಗೆ ಈ ವಿಮೆ ಅನ್ವಯವಾಗಲಿದ್ದು, ಪ್ರಯಾಣಿಕರ ಸವಾರಿ ಮುಗಿಯುವವರಗೂ ಅವರಿಗೆ ಯಾವುದೇ ಅಪಘಾತ ಸಂಭವಿಸಿ ಹಾನಿಯಾದರೂ ವಿಮೆ ಒದಗಿಸಲಾಗುವುದು ಎಂದು ಉಬರ್ ತಿಳಿಸಿದೆ. ಆಗಸ್ಟ್ 15 ರಿಂದಲೇ ಈ ಯೋಜನೆ ಜಾರಿಗೆ ಬರಲಿದೆ ಎನ್ನಲಾಗಿದೆ.

ಅಪಘಾತದಲ್ಲಿ ಆಕಸ್ಮಿಕ ಸಾವು ಅಥವಾ ಅಂಗವೈಕಲ್ಯ ಅಥವಾ ಭಾಗಶಃ ಅಂಗವೈಕಲ್ಯವಾದ್ರೆ ಉಬರ್ 5 ಲಕ್ಷ ರೂಪಾಯಿ ಮೌಲ್ಯದ ವಿಮಾ ರಕ್ಷಣೆ ನೀಡಲಿದೆ. ಹಾಗೇ ಒಳರೋಗಿಯಾದರೆ 2 ಲಕ್ಷ, ಹೊರರೋಗಿಯಾಗಿ ಚಿಕಿತ್ಸೆ ಪಡೆದರೆ 50 ಸಾವಿರ ರೂಪಾಯಿ ವಿಮೆ ಒದಗಿಸಲಿದೆ.