ಸ್ಯಾಂಸಂಗ್ ಕಂಪೆನಿ ಗ್ಯಾಲಕ್ಸಿ ಸಿ9 ಪ್ರೋ ಸ್ಮಾರ್ಟ್‌ಫೋನ್ ಹೆಸರಿನ ಮೊಬೈಲನ್ನು ಭಾರತ ಮಾರುಕಟ್ಟೆಗೆ ಮಂಗಳವಾರ ಬಿಡುಗಡೆ ಮಾಡಿದೆ. ಬಾಲಿವುಡ್ ನಟಿ ಪ್ರಾಚಿ ದೇಸಾಯಿ ಈ ಸ್ಮಾರ್ಟ್‌ಫೋನನ್ನು ಭುವನೇಶ್ವರದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಬಿಡುಗಡೆ ಮಾಡಿದರು.
ಈ ತಿಂಗಳ 27ರಿಂದ ಮುಂಗಡ ಬುಕಿಂಗ್ ಆರಂಭವಾಗುತ್ತದೆ. ಇದರ ಬೆಲೆ ಸುಮಾರು ರೂ.36,900 ಎಂದು ಕಂಪೆನಿ ನಿರ್ಧರಿಸಿದೆ. ಫೆಬ್ರವರಿಯಿಂದ ಗ್ರಾಹಕರಿಗೆ ಈ ಫೋನ್ ಲಭ್ಯವಾಗಲಿದೆ. ಕಪ್ಪು, ಬಂಗಾರದ ಬಣ್ಣಗಳಲ್ಲಿ ಈ ಸ್ಮಾರ್ಟ್‌ಫೋನ್ ಸಿಗಲಿದೆ. 6ಜಿಬಿ ರ‍್ಯಾಮ್‌ನೊಂದಿಗೆ ಬಿಡುಗಡೆಯಾಗುತ್ತಿರುವ ಸ್ಯಾಂಸಂಗ್ ಮೊದಲ ಫೋನ್ ಇದು.
ಗ್ಯಾಲಕ್ಸಿ ಸಿ9 ಪ್ರೋ ವಿಶೇಷಗಳು
* 6 ಇಂಚು ಸ್ಪರ್ಶಸಂವೇದಿ ಪರದೆ
* ಆಂಡ್ರಾಯ್ಡ್ 6.0
* 16 ಮೆಗಾ ಪಿಕ್ಸೆಲ್ ಹಿಂಬದಿ ಮತ್ತು ಮುಂಬದಿ ಕ್ಯಾಮೆರಾ
* 64 ಜಿಬಿ ಆಂತರಿಕ ಮೆಮೊರಿ
* ಮೆಮೊರಿ ಕಾರ್ಡ್ ಸೌಲಭ್ಯದೊಂದಿಗೆ 256 ಜಿಬಿಯವರೆಗೂ ವಿಸ್ತರಿಸಬಹುದಾದ ಸೌಲಭ್ಯ
* 4000 ಎಂಎಎಚ್ ಬ್ಯಾಟರಿ ಸಾಮರ್ಥ್ಯ
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.