ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಅಭಿಮಾನಿಗಳಿಗೆ ಶುಭವಾರ್ತೆ. ಶಾರುಖ್ ಅಭಿನಯ ಹಳೆ ಸಿನಿಮಾಗಳು ಹಾಗೂ ಮುಂಬರಲಿರುವ ಹೊಸ ಸಿನಿಮಾಗಳನ್ನು ಇನ್ನು ಮುಂದೆ ನೆಟ್ಫ್ಲಿಕ್ಸ್ನಲ್ಲಿ ವೀಕ್ಷಿಸಬಹುದು. ಈ ಮೂಲಕ ಬಾಲಿವುಡ್ ಚಿತ್ರಗಳಿಗೆ ಹೊಸ ವೇದಿಕೆ ಸಿಕ್ಕಂತಾಗಿದೆ.
ಈ ಮೇರೆಗೆ ಶಾರುಖ್ ನಿರ್ಮಾಣ ಸಂಸ್ಥೆ ರೆಡ್ ಚಿಲ್ಲೀಸ್ ಎಂಟರ್‌ಟೇನ್‌‍ಮೆಂಟ್‍ನೊಂದಿಗೆ (ಆರ್‌ಸಿಇ) ನೆಟ್‍ಫ್ಲಿಕ್ಸ್ ಒಪ್ಪಂದ ಮಾಡಿಕೊಂಡಿದೆ. ವೆಬ್ ಸ್ಟ್ರೀಮಿಂಗ್‍ನಲ್ಲಿ ಉನ್ನತ ಸ್ಥಾನದಲ್ಲಿರುವ ನೆಟ್‌ಫ್ಲಿಕ್ಸ್‌ಗೆ 8.6 ಕೋಟಿ ಮಂದಿಗೂ ಹೆಚ್ಚು ವೀಕ್ಷಕರಿದ್ದಾರೆ.
ಭಾರತದ ನಿರ್ಮಾಣ ಸಂಸ್ಥೆಯೊಂದಿಗೆ ನೆಟ್‍ಫ್ಲಿಕ್ಸ್ ಒಪ್ಪಂದ ಮಾಡಿಕೊಳ್ಳುತ್ತಿರುದು ಇದೇ ಮೊದಲು. ಡಿಯರ್ ಜಿಂದಗಿ ಚಿತ್ರದೊಂದಿಗೆ ಶಾರುಖ್ ಚಿತ್ರಗಳು ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆಯಾಗಲಿವೆ. ಒಪ್ಪಂದ ಪ್ರಕಾರ ಆರ್‌ಸಿಇ ನಿರ್ಮಾಣದ ಚಿತ್ರಗಳನ್ನು ಮುಂದಿನ ಮೂರು ವರ್ಷಗಳ ಕಾಲ ಭಾರತ ಸೇರಿದಂತೆ ವಿಶ್ವದಾದ್ಯಂತ ನೆಟ್ಫ್ಲಿಕ್ಸ್ನಲ್ಲಿ ಲಭ್ಯವಾಗಲಿವೆ. ವಿಡಿಯೋ ಆನ್ ಡಿಮ್ಯಾಂಡ್ ಮೂಲಕ ಚಂದಾದಾರರು ವೀಕ್ಷಿಸಬಹುದು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.