ರೈಲ್ವೆ ಪ್ರಯಾಣಿಕರಿಗೆ ಸುಲಭವಾಗಿ, ವೇಗವಾಗಿ ಟೆಕೆಟ್ ಬುಕ್ ಮಾಡಲು ಸಾಧ್ಯವಾಗುವಂತೆ ಭಾರತೀಯ ರೈಲ್ವೆ ಇಲಾಖೆ ಹೊಸ ವಿಶೇಷತೆಗಳೊಂದಿಗೆ ಮೊಬೈಲ್ ಆಪ್ ಬಿಡುಗಡೆ ಮಾಡಿದೆ. ಈ ಆಪ್‍ನ್ನು ಐಆರ್ಸಿಟಿಸಿ ವೆಬ್‌ಸೈಟ್‌ಗೆ ಏಕೀಕರಿಸಲಾಗಿದೆ.
ಈ ಹೊಸ ಆಪ್ ಮೂಲಕ ತತ್ಕಾಲ್ ಟಿಕೆಟ್, ಮಹಿಳಾ ರಿಸರ್ವೇಷನ್, ಪ್ರೀಮಿಯಂ ತತ್ಕಾಲ್ ಕೋಟಾ ಬುಕ್ಕಿಂಗ್ ಮಾಡಿಕೊಳ್ಳಬಹುದು. ಕೂಡಲೆ ಆಸನಗಳನ್ನು ಮುಂಗಡ ಕಾದಿರಿಸಲು ಇದರಿಂದ ಸಾಧ್ಯವಾಗಲಿದೆ. ಅತ್ಯಾಧುನಿಕ ತಾಂತ್ರಿಕತೆಯೊಂದಿಗೆ ಈ ಆಪನ್ನು ಬಿಡುಗಡೆ ಮಾಡಲಾಗಿದೆ.
ಇ-ಟೆಕೆಟಿಂಗ್ ವಿಧಾನಕ್ಕೆ ಅನುಗುಣವಾಗಿ ಆಪ್ ರೂಪಿಸಲಾಗಿದೆ. ಮುಂದಿನ ಪ್ರಯಾಣದ ಬಗ್ಗೆ ಮಾಹಿತಿಯನ್ನು ಈ ಆಪ್ ತಿಳಿಸುತ್ತದೆ ಎಂದು ಐಆರ್ಸಿಟಿಸಿ ಪ್ರಕಟಣೆಯಲ್ಲಿ ತಿಳಿಸಿದೆ. ಇಷ್ಟು ದಿನಗಳ ಕಾಲ ಆಮೆ ವೇಗದಲ್ಲಿದ್ದ ರೈಲ್ವೆ ಇಲಾಖೆಗೆ ಈಗ ಹೊಸ ಶಕ್ತಿ ಬಂದಂತಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
