ಭಾರತದಲ್ಲಿ ಮುಂಚೂಣಿಯಲ್ಲಿರುವ ಡೆವಲಪರ್ ಆಗಿರುವ ಬ್ರಿಗೇಡ್ ಗ್ರೂಪ್ ಆಯೋಜಿಸಿರುವ ಮೆಗಾ ಹೋಂ ಫೆಸ್ಟ್‍ಗೆ ಫೆಬ್ರವರಿ 10 ಶುಕ್ರವಾರ ಚಾಲನೆ ಸಿಕ್ಕಿದೆ. ಈ ಫೆಸ್ಟ್ ಫೆಬ್ರವರಿ 12 ರವರೆಗೆ ನಡೆಯಲಿದೆ. ಬ್ರಿಗೇಡ್ ಗೇಟ್‍ವೇಯಲ್ಲಿರುವ ವಲ್ರ್ಡ್ ಟ್ರೇಡ್ ಸೆಂಟರ್ನ ನಾರ್ಥರ್ನ್ ಟೆರೇಸ್‍ನಲ್ಲಿ ನಡೆಯುತ್ತಿರುವ ಈ ಮೆಗಾ ಹೋಂ ಫೆಸ್ಟ್‍ನಲ್ಲಿ ಬ್ರಿಗೇಡ್ ಗ್ರೂಪ್ ದಕ್ಷಿಣ ಭಾರತದ 6 ನಗರಗಳಲ್ಲಿ ಕೈಗೊಂಡಿರುವ 30 ಕ್ಕೂ ಹೆಚ್ಚು ವಸತಿ ಯೋಜನೆಗಳನ್ನು ಅನಾವರಣಗೊಳಿಸಲಾಗಿದೆ.
ಈ ಮೆಗಾ ಮೇಳದ ಬಗ್ಗೆ ಮಾತನಾಡಿದ ಬ್ರಿಗೇಡ್ ಎಂಟರ್‌ಪ್ರೈಸಸ್ ಲಿಮಿಟೆಡ್‍ನ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಎಂ.ಆರ್.ಜೈಶಂಕರ್ ಅವರು, ``ಬೆಂಗಳೂರು, ಮೈಸೂರು, ಚಿಕ್ಕಮಗಳೂರು, ಮಂಗಳೂರು, ಹೈದ್ರಾಬಾದ್ ಮತ್ತು ಚೆನ್ನೈ ನಗರಗಳಲ್ಲಿ ಬ್ರಿಗೇಡ್ ಸಮೂಹ ಸಂಸ್ಥೆ ಕೈಗೊಂಡಿರುವ ವಸತಿ ಯೋಜನೆಗಳ ಬಗ್ಗೆ ಸಾರ್ವಜನಿಕರಿಗೆ ಸಂಪೂರ್ಣ ಮಾಹಿತಿಯನ್ನು ಈ ಮೆಗಾ ಮೇಳದಲ್ಲಿ ನೀಡಲಾಗುತ್ತಿದೆ. ಬ್ರಿಗೇಡ್ ಬ್ರಾಂಡ್‍ನ ಮನೆಗಳನ್ನು ಖರೀದಿಸಲು ಸಾರ್ವಜನಿಕರಿಗೆ ಇದೊಂದು ಸುವರ್ಣಾವಕಾಶವಾಗಿದೆ’’ ಎಂದರು.
ಬ್ರಿಗೇಡ್ ಮೆಗಾ ಹೋಂ ಫೆಸ್ಟ್ ಕುರಿತು ವಿವಿಧ ಹಂತದಲ್ಲಿರುವ ಬ್ರಿಗೇಡ್ ಗ್ರೂಪ್‍ನ ವಸತಿ ಮತ್ತು ವಾಣಿಜ್ಯ ಸಂಕೀರ್ಣಗಳ ಬಗ್ಗೆ ಸಂಪೂರ್ಣ ಮಾಹಿತಿಗಳನ್ನು ಈ ಬ್ರಿಗೇಡ್ ಮೆಗಾ ಹೋಂ ಫೆಸ್ಟ್‍ನಲ್ಲಿ ಪಡೆಯಬಹುದಾಗಿದೆ.
ಈ ಮೂರು ದಿನಗಳ ಕಾಲ ನಡೆಯುವ ಮೆಗಾ ಫೆಸ್ಟ್‍ನಲ್ಲಿ ಗ್ರಾಹಕರು ತಮಗಿಷ್ಟವಾದ ಬ್ರಿಗೇಡ್‍ಗ್ರೂಪ್‍ನ ಮನೆಯನ್ನು ಆಯ್ಕೆ ಮಾಡಿಕೊಂಡು ಖರೀದಿ ಮಾಡಲು ಒಂದು ಉತ್ತಮ ಅವಕಾಶವಾಗಿದೆ. ಶೂನ್ಯ ಬಡ್ಡಿದರ ಮತ್ತು 2 ಲಕ್ಷ ರೂಪಾಯಿಯಿಂದ 20 ಲಕ್ಷ ರೂಪಾಯಿ ಮೌಲ್ಯದವರೆಗೆ ಉಚಿತವಾಗಿ ಫರ್ನಿಶಿಂಗ್ ಸೌಲಭ್ಯವನ್ನು ಪಡೆಯಬಹುದಾಗಿದೆ.
ಈ ಮೂರು ದಿನಗಳ ಫೆಸ್ಟ್‍ನಲ್ಲಿ ಮನೆಗಳನ್ನು ಬುಕ್ ಮಾಡುವವರಿಗೆ ಮುಂದಿನ 12 ತಿಂಗಳವರೆಗೆ ಪ್ರೈಸ್ ಪ್ರೊಟೆಕ್ಷನ್ ಇರಲಿದೆ. ವಲ್ರ್ಡ್ ಟ್ರೇಡ್ ಸೆಂಟರ್ನ ದಿ ನಾರ್ಥರ್ನ್ ಟೆರೇಸ್‍ನಲ್ಲಿ ಆರಂಭವಾಗಿರುವ ಈ ಮೆಗಾ ಫೆಸ್ಟ್‍ಗೆ ಗ್ರಾಹಕರು ಬೆಳಗ್ಗೆ 11 ರಿಂದ ರಾತ್ರಿ 8 ಗಂಟೆವರೆಗೆ ಭೇಟಿ ನೀಡಿ ಮಾಹಿತಿ ಪಡೆಯಬಹುದಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
