ನವದೆಹಲಿ: ರಿಲಯನ್ಸ್ ಜಿಯೋ 4 ಜಿ ಫೋನ್ ಅಗ್ಗದ ಬೆಲೆಗೆ ನೀಡಿದ ಬೆನ್ನಲ್ಲೇ ಏರ್ ಟೆಲ್ ಕೂಡಾ 4 ಜಿ ಫೋನ್ ಬಿಡುಗಡೆ ಮಾಡುತ್ತದೆ ಎಂದು ಸುದ್ದಿಯಾಗಿತ್ತು. ಅದೀಗ ನಿಜವಾಗುತ್ತಿದೆ.
ದೀಪಾವಳಿ ಹೊತ್ತಿಗೆ ಏರ್ ಟೆಲ್ ಅಗ್ಗದ ಬೆಲೆಯ 4 ಜಿ ಫೋನ್ ಬಿಡುಗಡೆ ಮಾಡಲಿದೆ. ಇದರ ಬೆಲೆ ಅಂದಾಜು 2500 ರೂ. ನಿಂದ 2700 ರೊಳಗೆ ಇರಲಿದೆ ಎನ್ನಲಾಗಿದೆ.
ಫೋನ್ ಜತೆಗೆ ಏರ್ ಟೆಲ್ ಹಲವು ಅತ್ಯಾಕರ್ಷಕ ಸೇವೆಗಳನ್ನು, ಆಫರ್ ಗಳನ್ನು ನೀಡಲಿದೆ ಎನ್ನಲಾಗಿದೆ. ಈಗಾಗಲೇ ರಿಲಯನ್ಸ್ 1500 ರೂ. ಡೆಪಾಸಿಟ್ ಪಾವತಿಸಿ 4 ಜಿ ಫೋನ್ ನೀಡುತ್ತಿದೆ. 4 ಇಂಚು ಡಿಸ್ ಪ್ಲೇ ಇರುವ ಡ್ಯುಯೆಲ್ ಸಿಮ್ ವ್ಯವಸ್ಥೆಯಿರುವ ಸ್ಮಾರ್ಟ್ ಫೋನ್ ಗಳನ್ನು ಗ್ರಾಹಕರಿಗೆ ಒದಗಿಸಲಿದೆ. 1 ಜಿಬಿ ರ್ಯಾಮ್ ಇರಲಿದೆ ಎಂದು ಮೂಲವೊಂದು ಹೇಳಿದೆ.