ಚೆನ್ನೈ: ಚೆನ್ನೈ ಸೂಪರ್ ಕಿಂಗ್ಸ್ ಪ್ರತಿನಿಧಿಸುವ ಕ್ರಿಕೆಟಿಗ ಸುರೇಶ್ ರೈನಾ ಈಗ ಮುಂದಿನ ಐಪಿಎಲ್ ಗೆ ಭರ್ಜರಿ ಸಿದ್ಧತೆ ನಡೆಸಿದ್ದಾರೆ.
ಐಪಿಎಲ್ ಗೆ ಚೆನ್ನೈ ತಂಡ ಮುಂದಿನ ವಾರದಿಂದ ತವರಿನಲ್ಲಿ ಕ್ಯಾಂಪ್ ಆಯೋಜಿಸುತ್ತಿದ್ದು, ಅಭ್ಯಾಸಕ್ಕೆ ಧೋನಿಯೇ ನೇತೃತ್ವ ವಹಿಸಲಿದ್ದಾರೆ. ಈ ತರಬೇತಿ ಶಿಬಿರದಲ್ಲಿ ಸುರೇಶ್ ರೈನಾ ಕೂಡಾ ಭಾಗಿಯಾಗಲಿದ್ದಾರೆ.
ಹೀಗಾಗಿ ಈ ತರಬೇತಿ ಶಿಬಿರಕ್ಕೆ ಮುನ್ನ ರೈನಾ ಎಸ್ ಜಿ ಫ್ಯಾಕ್ಟರಿಗೆ ಭೇಟಿ ನೀಡಿ ಹೊಸ ಬ್ಯಾಟ್ ಖರೀದಿ ಮಾಡಿದ್ದಾರೆ. ಬ್ಯಾಟ್ ಮಳಿಗೆಗೆ ಹೋಗಿ ಅಲ್ಲಿನ ತಜ್ಞರೊಂದಿಗೆ ಚರ್ಚಿಸಿ ತಾವೇ ಬ್ಯಾಟ್ ಪರೀಕ್ಷೆ ನಡೆಸುತ್ತಿರುವುದನ್ನು ಇನ್ ಸ್ಟಾಗ್ರಾಂ ಲೈವ್ ಮೂಲಕ ಹಂಚಿಕೊಂಡಿದ್ದಾರೆ.
ಕಳೆದ ಆವೃತ್ತಿಯಲ್ಲಿ ಕೊನೇ ಕ್ಷಣದಲ್ಲಿ ರೈನಾ ಐಪಿಎಲ್ ನಿಂದ ಹೊರಬಂದಿದ್ದರು. ಇದರಿಂದಾಗಿ ಸಾಕಷ್ಟು ವಿವಾದವೂ ಎದ್ದಿತ್ತು. ಆದರೆ ಈ ಬಾರಿಯೂ ಅವರನ್ನು ಮತ್ತೆ ಚೆನ್ನೈ ತಂಡ ಉಳಿಸಿಕೊಂಡಿದೆ. ಹೀಗಾಗಿ ಅವರು ಚೆನ್ನೈ ಪರ ಆಡಲು ಸಿದ್ಧತೆ ನಡೆಸಿದ್ದಾರೆ.
