ಮುಂಬೈ: ಐಪಿಎಲ್ 2022 ರಲ್ಲಿ ಇಂದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಮೊದಲ ಪಂದ್ಯವನ್ನು ಕಿಂಗ್ಸ್ ಪಂಜಾಬ್ ವಿರುದ್ಧ ಆಡಲಿದೆ.
ಎರಡೂ ತಂಡ ಹೊಸ ನಾಯಕರೊಂದಿಗೆ ಕಣಕ್ಕಿಳಿಯುತ್ತಿದೆ. ಆರ್ ಸಿಬಿಗೆ ಫಾ ಡು ಪ್ಲೆಸಿಸ್ ನಾಯಕರಾದರೆ ಪಂಜಾಬ್ ಕನ್ನಡಿಗ ಮಯಾಂಕ್ ಅಗರ್ವಾಲ್ ನಾಯಕತ್ವದಲ್ಲಿ ಕಣಕ್ಕಿಳಿಯಲಿದೆ.
ಕಳೆದ ಬಾರಿ ಎರಡೂ ತಂಡಗಳು ಅಂತಿಮ ಹಂತಕ್ಕೆ ತಲುಪದೇ ನಿರಾಸೆ ಅನುಭವಿಸಿತ್ತು. ಅದರಲ್ಲೂ ಆರ್ ಸಿಬಿ ಮೊದಲಾರ್ಧದಲ್ಲಿ ಉತ್ತಮ ಆಟವಾಡಿದ್ದರೂ ಎರಡನೇ ಹಂತದಲ್ಲಿ ಸತತ ಸೋಲು ಕಂಡಿತ್ತು. ಮೇಲ್ನೋಟಕ್ಕೆ ಈ ಬಾರಿ ಎರಡೂ ತಂಡಗಳು ಸಮಾನ ಬಲರಂತೆ ಕಾಣುತ್ತಿದ್ದರೂ ಚುಟುಕು ಕ್ರಿಕೆಟ್ ನ ಫಲಿತಾಂಶ ಏನು ಬೇಕಾದರೂ ಆಗಬಹುದು. ಈ ಪಂದ್ಯ ಸಂಜೆ 7.30 ಕ್ಕೆ ಆರಂಭವಾಗಲಿದೆ.
