ಅಹಮ್ಮದಾಬಾದ್: ರಾಜಸ್ಥಾನ್ ವಿರುದ್ಧ ನಡೆದ ಐಪಿಎಲ್ 2022 ರ ಫೈನಲ್ ಪಂದ್ಯವನ್ನು ಗೆದ್ದ ಗುಜರಾತ್ ಟೈಟನ್ಸ್ ಆಡಿದ ಮೊದಲ ಕೂಟದಲ್ಲೇ ಚಾಂಪಿಯನ್ ಆದ ದಾಖಲೆ ಮಾಡಿದೆ.
ನಿನ್ನೆಯ ಪಂದ್ಯದಲ್ಲಿ ರಾಜ್ಥಾನ್ ನೀಡಿದ್ದ 131 ರನ್ ಗಳ ಗುರಿ ಬೆನ್ನತ್ತಿದ ಗುಜರಾತ್ 18.1 ಓವರ್ ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 133 ರನ್ ಗಳಿಸಿ ಗೆಲುವು ಕಾಣುವುದರ ಮೂಲಕ ಮೊದಲ ಬಾರಿಗೆ ಚಾಂಪಿಯನ್ ಎನಿಸಿಕೊಂಡಿತು.
ಇದಕ್ಕೂ ಮೊದಲು ರಾಜಸ್ಥಾನ್ ರಾಯಲ್ಸ್ ಈ ಸಾಧನೆ ಮಾಡಿತ್ತು. ಐಪಿಎಲ್ ಆರಂಭವಾದ ವರ್ಷ ಅಂದರೆ 2008 ರಂದು ರಾಜಸ್ಥಾನ್ ಚಾಂಪಿಯನ್ ಆಗಿತ್ತು. ಇದಾದ ಬಳಿಕ ಈ ವರ್ಷ ಐಪಿಎಲ್ ಗೆ ಸೇರ್ಪಡೆಯಾದ ಗುಜರಾತ್ ಈ ಸಾಧನೆ ಮಾಡಿದೆ.
