ಮುಂಬೈ: ಐಪಿಎಲ್ 14 ರಲ್ಲಿ ಇಂದಿನ ಪಂದ್ಯ ಕಿಂಗ್ಸ್ ಪಂಜಾಬ್ ಮತ್ತು ಮುಂಬೈ ಇಂಡಿಯನ್ಸ್ ತಂಡಗಳ ನಡುವೆ ನಡೆಯಲಿದೆ.
ಸತತ ಸೋಲುಗಳ ಪೈಕಿ ಕಳೆದ ಪಂದ್ಯವನ್ನು ಗೆದ್ದಿರುವ ಕೆಎಲ್ ರಾಹುಲ್ ನೇತೃತ್ವದ ಕಿಂಗ್ಸ್ ಪಂಜಾಬ್ ತಂಡಕ್ಕೆ ಈ ಬಾರಿ ಪ್ರಬಲ ತಂಡ ಮುಂಬೈ ಇಂಡಿಯನ್ಸ್ ಎದುರಾಗಲಿದೆ. ಈ ತಂಡದ ಎದುರು ಗೆಲ್ಲಲು ಸರ್ವಾಂಗೀಣ ಪ್ರದರ್ಶನ ಹೊರತರಲೇಬೇಕು.
ಇನ್ನೊಂದೆಡೆ ಮುಂಬೈಗೆ ಕಳೆದ ಪಂದ್ಯವನ್ನು ಸೋತ ನಿರಾಸೆಯಿದೆ. ಕಳೆದ ಪಂದ್ಯದಲ್ಲಿ ಖ್ಯಾತಿಗೆ ತಕ್ಕ ಬ್ಯಾಟಿಂಗ್ ಮಾಡದ ಮುಂಬೈ ಇಂಡಿಯನ್ಸ್ ಇದಕ್ಕೆ ತಕ್ಕ ಬೆಲೆ ತೆತ್ತಿದೆ. ಹೀಗಾಗಿ ಈ ಪಂದ್ಯದಲ್ಲಿ ಕಳೆದ ಪಂದ್ಯಗಳ ಹುಳುಕುಗಳನ್ನು ನಿವಾರಿಸಿ ಆಡಬೇಕಿದೆ. ಇಂದಿನ ಪಂದ್ಯ ಸಂಜೆ 7.30 ಕ್ಕೆ ಆರಂಭವಾಗಲಿದೆ.
