ಹೈದರಾಬಾದ್: ಇಂದು ಐಪಿಎಲ್ ಫೈನಲ್ ನಲ್ಲಿ ಆಡಲಿರುವ ಪುಣೆ ಸೂಪರ್ ಜೈಂಟ್ ತಂಡದ ಹೆಸರೇ ಬದಲಾಗಿದೆ! ಅದು ಇಂದು ಪುಣೆ ಸೂಪರ್ ಜೈಂಟ್ ಅಲ್ಲ, ಟೀಂ ಎಂಎಸ್ ಧೋನಿ ಎಂದು ಕರೆಯಿಸಿಕೊಳ್ಳಲಿದೆ.
ಅರೇ..! ಇದೇನಿದು? ಹಾಗಿದ್ದರೆ ಸ್ಟೀವ್ ಸ್ಮಿತ್ ನಾಯಕತ್ವ ಬಿಟ್ಟುಕೊಟ್ಟರಾ? ಹಾಗೇನೂ ಇಲ್ಲ. ನಾಯಕ ಸ್ಮಿತ್. ಆದರೆ ತಂಡದ ಹೆಸರು ಮಾತ್ರ ಟೀಂ ಧೋನಿ! ಹಾಗಂತ ತಮ್ಮ ತಂಡವನ್ನು ಕರೆಯಬೇಕೆಂದು ಪುಣೆ ತಂಡದ ತನ್ನ ಟ್ವಿಟರ್ ನಲ್ಲಿ ಅಭಿಮಾನಿಗಳಿಗೆ ಕೇಳಿಕೊಂಡಿದೆ.
ಯಾವ ತಂಡವನ್ನು ನಾಳೆ ಬೆಂಬಲಿಸಬೇಕೆಂದು ನೆನಪಿಲ್ಲವೇ? ಟೀಂ ಧೋನಿ! ಎಂದು ಬರೆದುಕೊಂಡಿದ್ದಲ್ಲದೆ ಧೋನಿ ಹೆಲಿಕಾಪ್ಟರ್ ಶಾಟ್ ದೃಶ್ಯವನ್ನು ಹಾಕಿದೆ. ಈ ಮೂಲಕ ಧೋನಿ ಚಾರ್ಮ್ ನ್ನು ಒಪ್ಪಿಕೊಂಡಿದೆ. ಪುಣೆ ಮಾಲಿಕರು ಧೋನಿಯನ್ನು ಎಷ್ಟೇ ಕಡೆಗಣಿಸಿದರೂ, ಭಾರತದಲ್ಲಿ ಧೋನಿಗಿರುವ ಚಾರ್ಮ್ ನೋಡಿ ಪುಣೆ ತಂಡ ತಲೆಬಾಗಿದೆ.
ಫೈನಲ್ ನಲ್ಲಿ ಅಭಿಮಾನಿಗಳನ್ನು ಸೆಳೆಯಲು ಧೋನಿಗೆ ಮೇಲ್ಪಂಕ್ತಿ ನೀಡಿದೆ. ಬೆಸ್ಟ್ ಫಿನಿಶರ್ ಎಂಬ ಖ್ಯಾತಿ ಪಡೆದಿರುವ ಧೋನಿ ಈ ಒಂದು ಪಂದ್ಯದಲ್ಲಿ ಒಳ್ಳೆ ಫಿನಿಶಿಂಗ್ ಕೊಟ್ಟರೆ ಪುಣೆ ಇತಿಹಾಸ ನಿರ್ಮಿಸುವುದಲ್ಲವೇ?
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
