‘ಪಾಕಿಸ್ತಾನವೆಂದರೆ ಭಾರತಕ್ಕೆ ಭಯ ಅದಕ್ಕೇ ನಮ್ಮ ಜತೆ ಕ್ರಿಕೆಟ್ ಆಡಲ್ಲ’

ಕರಾಚಿ: ಪಾಕಿಸ್ತಾನ ತಂಡವನ್ನು ಎದುರಿಸುವುದೆಂದರೆ ಟೀಂ ಇಂಡಿಯಾಕ್ಕೆ ಏನೋ ಒಂಥರಾ ಭಯ. ಹಾಗಾಗಿ ಅವರು ನಮ್ಮ ಜತೆ ಕ್ರಿಕೆಟ್ ಆಡಲು ಹಿಂದೇಟು ಹಾಕುತ್ತಾರೆ ಎಂದು ಪಾಕಿಸ್ತಾನ ಕ್ರಿಕೆಟ್ ತಂಡದ ನಾಯಕ ಸರ್ಫರಾಜ್ ಅಹ್ಮದ್ ಹೇಳಿಕೊಂಡಿದ್ದಾರೆ.

ಉಭಯ ದೇಶಗಳ ನಡುವೆ ಕ್ರಿಕೆಟ್ ಸರಣಿ ನಡೆಯದೇ ಇರುವುದಕ್ಕೆ, ದೇಶಗಳ ನಡುವೆ ಇರುವ ವೈಮನಸ್ಯ ಕಾರಣವಲ್ಲ. ಭಾರತಕ್ಕೆ ಪಾಕ್ ಕ್ರಿಕೆಟ್ ತಂಡವನ್ನು ಎದುರಿಸುವ ಭಯ ಎಂದು ಅವರು ಕೊಚ್ಚಿಕೊಂಡಿದ್ದಾರೆ.

ಭಯ ಇಲ್ಲವೆಂದ ಮೇಲೆ ಬಿಸಿಸಿಐ ನಮ್ಮ ಜತೆ ಕ್ರಿಕೆಟ್ ಆಡಲು ತಂಡ ಕಳುಹಿಸಬೇಕು. ಭಾರತ ಮತ್ತು ಪಾಕಿಸ್ತಾನ ಕ್ರಿಕೆಟ್ ತಂಡಗಳು ಚಾಂಪಿಯನ್ಸ್ ಟ್ರೋಫಿಯಲ್ಲಿ ಪರಸ್ಪರ ಮುಖಾಮುಖಿಯಾಗಬಹುದು. ಅದರ ಹೊರತಾಗಿ ಯಾವುದೇ ಕ್ರಿಕೆಟ್ ಸರಣಿಗೆ ಕೇಂದ್ರ ಸರ್ಕಾರ ಒಪ್ಪಿಗೆ ನೀಡುತ್ತಿಲ್ಲ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ