ಫೇಸ್‌ಬುಕ್‌ನಲ್ಲಿ ಉದ್ದದ ಡೆತ್ ನೋಟ್ ಬರೆದ ಮಹಿಳೆಯೋರ್ವಳು ತನ್ನ ಮಗನನ್ನು ಕೊಂದು ತಾನು ಕೂಡ ಆತ್ಮಹತ್ಯೆಗೆ ಶರಣಾಗಿದ್ದಾಳೆ. ಈ ಡೆತ್ ನೋಟ್ ಈಗ ವೈರಲ್ ಆಗಿ ಹರಿದಾಡುತ್ತಿದ್ದು ಆಕೆಯ ಪರ ಮತ್ತು ವಿರೋಧಿ ಕಮೆಂಟ್‌ಗಳು ಹರಿದು ಬರುತ್ತಿವೆ.
ನೂಯಾರ್ಕ್‌ನಲ್ಲಿ ಕ್ರಿಸ್ಮಸ್ ಹಬ್ಬದ ಮರುದಿನ (ಸೋಮವಾರ) ಈ ಅಮಾನವೀಯ ಕೃತ್ಯ ನಡೆದಿದ್ದು 40 ವರ್ಷದ ಶೆರಿ ಶೆರ್ಮೆಯರ್ 1 ವರ್ಷದ ಮಗುವನ್ನು ಉಸಿರುಗಟ್ಟಿಸಿ ಕೊಂದು ತಾನು ತಲೆಗೆ ಗುಂಡು ಹೊಡೆದುಕೊಂಡು ಸಾವನ್ನಪ್ಪಿದ್ದಾಳೆ.
ಮಗುವನ್ನು ಕೊಂದು ತಾನು ಸಾವಿಗೆ ಶರಣಾಗುವ ಮುನ್ನ ಶೆರ್ಮೆಯರ್ ಉದ್ದನೆಯ ಡೆತ್ ನೋಟೊಂದನ್ನು ಫೇಸ್‌ಬುಕ್‌ನಲ್ಲಿ ಬರೆದಿದ್ದಾಳೆ. ನಾನು ನಿಧಾನವಾಗಿ ಸಾಯುತ್ತಿದ್ದೇನೆ. ಈ ಪುಟ್ಟ ಕಂದ ನನ್ನ ತೋಳಲ್ಲಿ ನಿದ್ರಿಸುತ್ತಿದ್ದಾನೆ ಎಂಬುದಕ್ಕಷ್ಟೇ ನಾನೀಗ ಬದುಕಿರೋದು. ನಾನು ತಲೆಯನ್ನು ಕತ್ತರಿಸಿಕೊಳ್ಳದಿರುವುದಕ್ಕೆ ಕಾರಣ ಕೂಡ ಇತನೇ ಕಾರಣ ಜಾನ್ ಹೀಗೆ ಮುಂದುವರೆಯುತ್ತದೆ ಡೆತ್ ನೋಟ್.
ನೀನೆಂದು ನಿನ್ನ ಮಗನನ್ನು ಮತ್ತೆ ನೋಡಲಾರೆ ಎಂದು ಕೂಡ ಬರೆದಿರುವ ಆಕೆ ಮಗನನ್ನು ಸಾಯಿಸಿ ತಾನು ಸತ್ತಿದ್ದಾಳೆ.
ಈ ಹೇಯ ಕೃತ್ಯಕ್ಕೆ ಕೌಟುಂಬಿಕ ಕಲಹವೇ ಕಾರಣ ಎಂಬುದು ಡೆತ್ ನೋಟ್‌ನಲ್ಲಿ ಸ್ಪಷ್ಟವಾಗುತ್ತಿದ್ದು ಪ್ರಕರಣವನ್ನು ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆಯನ್ನು ಕೈಗೊಂಡಿದ್ದಾರೆ.