ವಾಷಿಂಗ್ಟನ್: ಅಮೆರಿಕಾ ಪ್ರವಾಸ ಕೈಗೊಂಡಿದ್ದ ಭಾರತದ ಪ್ರಧಾನಿ ಮೋದಿಗೆ ಅಲ್ಲಿನ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ದಂಪತಿಯಿಂದ ಆತ್ಮೀಯ ಸ್ವಾಗತ ದೊರಕಿತ್ತು. ಇಂತಿಪ್ಪ ಮಿತ್ರನಿಗೆ ಪ್ರಧಾನಿ ಮೋದಿ ಭಾರೀ ಉಡುಗೊರೆಯನ್ನೇ ಕೊಟ್ಟಿದ್ದಾರೆ.
ಹಲವು ವಿಶಿಷ್ಟ ಉಡುಗೊರೆಗಳನ್ನು ಕೊಟ್ಟು ಟ್ರಂಪ್ ದಂಪತಿಯನ್ನು ಖುಷಿಪಡಿಸಿದ್ದಾರೆ ಮೋದಿ. ಅಮೆರಿಕಾದ ಮಾಜಿ ಅಧ್ಯಕ್ಷ ಅಬ್ರಹಾಂ ಲಿಂಕನ್ ಅವರ ನೆನಪಿಗಾಗಿ 1965 ರಲ್ಲಿ ಭಾರತ ಬಿಡುಗಡೆ ಮಾಡಿದ್ದ ಸ್ಟ್ಯಾಂಪ್ ಹಾಗೂ ಪಂಜಾಬ್ ನ ಹೊಶಿರಾಪುರ್ ನ ವಿಶೇಷತೆಯಾದ ಮರದ ಕಲಾಕೃತಿ ಇದರಲ್ಲಿ ಪ್ರಮುಖವಾದುದು.
ನಂತರ ಟ್ರಂಪ್ ಪತ್ನಿ ಮೆಲೇನಿಯಾಗೆ ಕಾಶ್ಮೀರಿ ಮತ್ತು ಹಿಮಾಚಲ ಪ್ರದೇಶದ ಶಾಲು, ಹಿಮಾಚಲ ಪ್ರದೇಶದ ಸಾಂಪ್ರದಾಯಿಕ ಬೆಳ್ಳಿ ಕಡಗ, ಕಾಂಗ್ರಾ ವ್ಯಾಲಿಯ ಚಹಾ ಮತ್ತು ಜೇನು ತುಪ್ಪ ಉಡುಗೊರೆಯಾಗಿ ನೀಡಿದರು.
ಇದಕ್ಕೆ ಪ್ರತಿಯಾಗಿ ಟ್ರಂಪ್ ಮೋದಿಗೆ ಲಿಂಕನ್ ರ ಪ್ರಖ್ಯಾತ ಗೆಟ್ಟಿಸ್ ಬರ್ಗ್ ಅಡ್ರೆಸ್ ಮತ್ತು ಲಿಂಕನ್ ಬರೆಯುತ್ತಿದ್ದ ಡೆಸ್ಕ್ ಉಡುಗೊರೆಯಾಗಿ ನೀಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
