ನವದೆಹಲಿ: ಭಾರತದ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ರನ್ನು ಪಾಕಿಸ್ತಾನದ ಕ್ಯಾನ್ಸರ್ ಪೀಡಿತ ಮಹಿಳೆ ಅಮ್ಮ ಎಂದು ಹೃದಯಸ್ಪರ್ಶಿಯಾಗಿ ಕರೆದಿದ್ದಾಳೆ..
ಪಾಕ್ ಮಹಿಳೆಗೆ ಇದೀಗ ಭಾರತದಲ್ಲಿ ಚಿಕಿತ್ಸೆ ಪಡೆಯಲು ವಿದೇಶಾಂಗ ಇಲಾಖೆ ವೀಸಾ ಒದಗಿಸಿಕೊಟ್ಟಿದೆ. ಫಾಯ್ಸಾ ತನ್ವೀರ್ ಎಂದು ಈ ಮಹಿಳೆಯನ್ನು ಗುರುತಿಸಲಾಗಿದೆ.
ಸುಷ್ಮಾರ ಸಹಾಯಕ್ಕೆ ಟ್ವಿಟರ್ ನಲ್ಲಿ ಮನವಿ ಸಲ್ಲಿಸಿದ್ದ ಫಾಯ್ಸಾ ‘ಮೇಡಂ ನೀವು ನನಗೆ ತಾಯಿಯಿದ್ದಂತೆ. ಭಾರತ 70 ನೇ ಸ್ವಾತಂತ್ರ್ಯೋತ್ಸವ ಸಂದರ್ಭದಲ್ಲಿ ನೀವು ನಮಗೆ ಸಹಾಯ ಮಾಡಬೇಕು. ನನಗೆ ದಯವಿಟ್ಟು ಸಹಾಯ ಮಾಡಿ’ ಎಂದಿದ್ದರು. ಇದೀಗ ಪಾಕ್ ಪುತ್ರಿಯ ಮನವಿಗೆ ಸುಷ್ಮಾ ಸ್ಪಂದಿಸಿದ್ದಾರೆ.