ಕಾಮತೃಷೆ ತೀರಿಸಿಕೊಳ್ಳಲು ಸೊಸೆ ಮೇಲೆಯೇ ಎರಗಿದ್ದ ಕಾಮುಕ ಗಂಡನನ್ನ ಪತ್ನಿಯೇ ಗುಂಡಿಟ್ಟು ಕೊಂದಿರುವ ಘಟನೆ ಪಾಕಿಸ್ತಾನದಿಂದ ವರದಿಯಾಗಿದೆ.
ಖೈಬರ್ ಪಖ್ತುಂಖ್ವಾದ ಶಾಂಗ್ಲಾ ಗ್ರಾಮದ ಬೇಗಂ ಬಿಬಿ, ಸಂಬಂಧಗಳಿಗೆ ಬೆಲೆಕೊಡದ ಪತಿ ಗುಲ್ಬರ್ ಖಾನ್`ನನ್ನ ಕೊಂದಿದ್ದಾಳೆ. ಬೇಗಂ ಪುತ್ರ ಯೋಧನಾಗಿದ್ದು, ಗಡಿ ಕಾಯುತ್ತಿದ್ದಾನೆ. ಇದೇ ಸಂದರ್ಭ ಬಳಸಿಕೊಂಡ ಈಕೆಯ ಪತಿ, ಮಗನ ಹೆಂಡತಿ ಮೇಲೆ ಅತ್ಯಾಚಾರ ನಡೆಸಿದ್ದಾನೆಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.
ಕಳೆದ 3 ತಿಂಗಳಿಂದ ಕಾಮುಕ ಮಾವ ಲೈಂಗಿಕ ಹಲ್ಲೆ ನಡೆಸಿದ್ದಾನೆ. ಸೊಸೆ ಮೇಲೆ ಗಂಡನ ದೌರ್ಜನ್ಯ ಕಂಡು ಬೇಸತ್ತಿದ್ದ ಪತ್ನಿ ಆತ ಮಲಗಿದ್ದ ಸಂದರ್ಭ ಸೊಸೆಯ ಸಹಾಯ ಪಡೆದು ಪಿಸ್ತೂಲ್`ನಿಂದ ಗುಂಡು ಹಾರಿಸಿ ಕೊಂದಿದ್ದಾಳೆ. ನನ್ನ ಮಗ ಇಲ್ಲದ ಸಮಯ ನೋಡಿ ಕಳೆದ 3 ತಿಂಗಳಿಂದ ಸೊಸೆಯನ್ನ ಬಲವಂತವಾಗಿ ಲೈಂಗಿಕತೆಗೆ ಬಳಸಿಕೊಳ್ಳುತ್ತಿದ್ದ. ಆತನ ಹೋಈನ ಕೃತ್ಯದಿಂದ ಬೇಸತ್ತು ಕೊಂದಿರುವುದಾಗಿ ಬೇಗಂ ಹೇಳಿಕೆ ನೀಡಿದ್ದಾರೆ.