ಯುವತಿಯ ಅಂದ ಚೆಂದ ನೋಡಿ ಮರುಳಾಗಿ ವಿವಾಹವಾಗಿದ್ದ ನವವಿವಾಹಿತನೊಬ್ಬ ಪತ್ನಿಯನ್ನು ಮೇಕಪ್ ಕಳೆದುಕೊಂಡಾಗ ನೋಡಿ ಆಘಾತಗೊಂಡು ವಿಚ್ಚೇದನ ನೀಡಿದ ವಿಚಿತ್ರ ಘಟನೆ ವರದಿಯಾಗಿದೆ.
ಹನಿಮೂನ್‌ಗೆ ತೆರಳಿದ್ದ ದಂಪತಿಗಳು ಹೋಟೆಲ್‌ನಲ್ಲಿದ್ದ ಈಜುಕೋಳದಲ್ಲಿ ಈಜಾಟವಾಡಿ ಹೊರಗೆ ಬಂದಾಗ ಪತ್ನಿಯ ಮೇಕಪ್ ಕಳೆದು ಹೋಗಿತ್ತು. ಪತ್ನಿಯ ನಿಜವಾದ ಸೌಂದರ್ಯ ನೋಡಿ ಆಘಾತಗೊಂಡು ವಿಚ್ಚೇದನ ನೀಡಿದ್ದಾನೆ.
ಅರಬ್ ದಂಪತಿಗಳು ಶಾರ್ಜಾದಲ್ಲಿರುವ ಅಲ್ ಮಮ್‌ಝಾರ್‌ ಬೀಚ್‌ನಲ್ಲಿ ಈಜಲು ತೆರಳಿದ್ದರು. ಪತ್ನಿ ಸ್ವಿಮ್ಮಿಂಗ್ ಮಾಡಿ ಹೊರಬಂದಾಗ ಆಕೆಯ ಮೇಕಪ್ ತೊಳೆದುಹೋಗಿದ್ದರಿಂದ ಪತಿಗೆ ಆಕೆಯನ್ನು ಗುರುತಿಸಲು ಸಾಧ್ಯವಾಗಲಿಲ್ಲ ಎನ್ನಲಾಗಿದೆ.
ಸೌಂದರ್ಯ ವರ್ಧಕಗಳನ್ನು ಬಳಿಸಿ ಮೇಕಪ್ ಮಾಡಿಕೊಂಡು ನನ್ನನ್ನು ವಂಚಿಸಿದ್ದಾಳೆ ಎಂದು ಪತಿ ಆರೋಪಿಸಿದ್ದಾನೆ. ವಿವಾಹಕ್ಕೆ ಮುಂಚೆಯೇ ಹಲವಾರು ಬಾರಿ ಕಾಸ್ಮೋಟಿಕ್ಸ್ ಸರ್ಜರಿಗೊಳಗಾಗಿದ್ದಾಳೆ ಎಂದು ಕಿಡಿಕಾರಿದ್ದಾನೆ.
ಪತ್ನಿ ತನ್ನ ಪತಿಗೆ ನಿಜ ಸಂಗತಿ ಹೇಳಬೇಕು ಎಂದು ಬಯಸಿದ್ದಳಾದರೂ ಕಾಲ ಮಿಂಚಿತ್ತು ಎಂದು ಪತ್ನಿಯ ಪರ ಸೈಕಾಲಾಜಿಸ್ಟ್ ಡಾ.ಅಬ್ದುಲ್ ಅಜೀಜ್ ಅಸಫ್ ತಿಳಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
