ಲಾಹೋರ್:ಪಾಕ್‌ ಗಾಯಕ ಹಾಗೂ ಸಾ ರೆ ಗಾ ಮಾ ಪಾ ಮಾಜಿ ಸ್ಪರ್ಧಿ ಝೈನ್ ಅಲಿ ಅವರು ಲಾಹೋರ್‌ನಲ್ಲಿನ ತನ್ನ ಸ್ನೇಹಿತರ ಮನೆಯಲ್ಲಿ ನಿಗೂಢವಾಗಿ ಸಾವನ್ನಪ್ಪಿದ್ದಾರೆ.
ಝೈನ್ ಅವರು ಕಳೆದ ಜು.20ರಂದು ಲಾಹೋರ್‌ನ ಶೇಖಾಪುರದಲ್ಲಿನ ತನ್ನ ಸ್ನೇಹಿತರ ಮನೆಗೆ ಹೋಗಿದ್ದರು. ಅನಂತರದಲ್ಲಿ ಅವರ ಶವ ಶೌಚಾಲಯದಲ್ಲಿ ಪತ್ತೆಯಾಗಿದೆ. ಝೈನ್ ಅವರ ಈ ಸಾವು ಹಲವಾರು ಅನುಮಾನಗಳಿಗೆ ಕಾರಣವಾಗಿದೆ.
ಝೈನ್ ಅವರ ನಿಗೂಢ ಸಾವಿನ ಕುರಿತ ತನಿಖೆ ನಡೆಯುತ್ತಿದೆ. ಝೈನ್ ಅವರ ಸಹೋದರ ಹೇಳುವ ಪ್ರಕಾರ "ನನ್ನ ತಮ್ಮನಿಗೆ ಯಾರ ವಿರುದ್ಧವೂ ದ್ವೇಷ, ವೈಷಮ್ಯ ಇರಲಿಲ್ಲ. ಉದಯೋನ್ಮುಖ ಗಾಯಕನಾಗಿದ್ದ ಆತ ಸದ್ಯದಲ್ಲೇ ಸಿನೆಮಾಗೆ ಹಾಡುವವನಿದ್ದ' ಎಂದಿದ್ದಾರೆ.
ಝೈನ್ ಅವರು 2012ರಲ್ಲಿ ಪ್ರಸಿದ್ಧ ಟಿವಿ ಸಂಗೀತ ಕಾರ್ಯಕ್ರಮವಾಗಿದ್ದ "ಸಾ ರೆ ಗಾ ಮಾ ಪಾ'ದಲ್ಲಿ ಸ್ಪರ್ಧಿಸಿ ತಮ್ಮ ಅಮೋಘ ಹಾಡುಗಾರಿಕೆಯ ಮೂಲಕ ಭಾರೀ ಜನ ಮೆಚ್ಚುಗೆ ಗಳಿಸಿದ್ದರು.
