ಅಮೇರಿಕಾ : ಕೊರೊನಾ ವೈರಸ್ ಉಗಮಸ್ಥಾನವಾದ ಚೀನಾದ ವಿರುದ್ಧ ಅಮೇರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಾಗ್ದಾಳಿ ನಡೆಸಿದ್ದಾರೆ.
ಚೀನಾದಲ್ಲಿ ಹುಟ್ಟಿಕೊಂಡ ಕೊರೊನಾ ವೈರಸ್ ಇದೀಗ ವಿಶ್ವದಾದ್ಯಂತ ಅಟ್ಟಹಾಸ ಮೇರೆಯುತ್ತಿದ್ದು, ಲಕ್ಷಾಂತರ ಜನರನ್ನು ಬಲಿಪಡೆದುಕೊಂಡಿದೆ. ಇದೀಗ ಚೀನಾದ ವಿರುದ್ಧ ಆಕ್ರೋಶಗೊಂಡ ಡೊನಾಲ್ಡ್ ಟ್ರಂಪ್ , ಕೊರೊನಾ ಜಗತ್ತಿಗೆ ಚೀನಾ ನೀಡಿದ ಕೆಟ್ಟ ಉಡುಗೊರೆ. ಅಮೇರಿಕಾದಲ್ಲಿ ಕೊರೊನಾದಿಂದ 1ಲಕ್ಷ ಜನರು ಸಾವನಪ್ಪಿದ್ದಾರೆ. ಇದು ದುಃಖದ ವಿಚಾರ ಎಂದು ಅಮೇರಿಕಾದ ಅಧ್ಯಕ್ಷ ಅಸಮಾಧಾನಗೊಂಡಿದ್ದಾರೆ.