ಲಾಸ್ ಏಂಜಲೀಸ್: ಅಮೆರಿಕಾಕ್ಕೆ ಅಮೆರಿಕಾವೇ ಬೆಚ್ಚಿ ಬೀಳಿಸುವಂತೆ ಮಾಡಿದ ಲಾಸ್ ವೇಗಸ್ ನ ಶೂಟೌಟ್ ದಾಳಿಯಲ್ಲಿ ಮೃತರ ಸಂಖ್ಯೆ 60 ಕ್ಕೇರಿದೆ. ಈ ದಾಳಿಗೂ ಮೊದಲೇ ನಡೆದ ಘಟನೆಯೊಂದನ್ನು ಪ್ರತ್ಯಕ್ಷದರ್ಶಿಯೊಬ್ಬರು ಬಿಚ್ಚಿಟ್ಟಿದ್ದಾರೆ.
ರಿಸಾರ್ಟ್ ನಲ್ಲಿ ನಡೆಯುತ್ತಿದ್ದ ಸಂಗೀತೋತ್ಸವದಲ್ಲಿ ನೂರಾರು ಜನ ಇದ್ದರು. ಈ ಸಂದರ್ಭದಲ್ಲಿ ಕಂದು ಬಣ್ಣದ ಕೂದಲಿನ ಸುಮಾರು 50 ವರ್ಷ ವಯಸ್ಸಿನ ಮಹಿಳೆಯೊಬ್ಬಳು ಕಾರ್ಯಕ್ರಮಕ್ಕೆ ಬಾಯ್ ಫ್ರೆಂಡ್ ಜತೆ ಬಂದಿದ್ದಳು.
ಈಕೆ ‘ಅವರೆಲ್ಲಾ ಇಲ್ಲಿಯೇ ಇದ್ದಾರೆ. ಮೂರ್ಖರು ಇನ್ನು ಕೆಲವೇ ಕ್ಷಣಗಳಲ್ಲಿ ಸಾಯಲಿದ್ದಾರೆ’ ಎಂದು ಆಕೆ ಕಿರುಚಿದ್ದಳು ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ಹೇಳಿದ್ದಾರೆ. ಆಕೆಗೆ ಈ ದುರಂತದ ಮುನ್ಸೂಚನೆ ಇತ್ತು ಎಂದು ಅವರು ಮಾಧ್ಯಮಗಳಿಗೆ ಹೇಳಿಕೊಂಡಿದ್ದಾರೆ. ಆಕೆ ಯಾರು ಎಂಬುದು ನಿಗೂಢವಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ