ಕೊನೆಗೂ ಆಸ್ಕರ್ ಗೆದ್ದ ಹಾಲಿವುಡ್ ಸ್ಟಾರ್ ಜಾಕಿ ಚಾನ್

ಲಾಸ್ ಏಂಜಲೀಸ್: 56 ವರ್ಷ ಸಿನಿಮಾ ರಂಗದಲ್ಲಿ ದುಡಿದು, 200 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿ ಅಭಿಮಾನಿಗಳ ಆರಾಧ್ಯ ದೈವವಾಗಿದ್ದ ಜಾಕಿ ಚಾನ್ ಗೆ ಇದುವರೆಗೆ ಅದೊಂದು ಕೊರತೆಯಿತ್ತು. ಅದು ಆಸ್ಕರ್ ಪ್ರಶಸ್ತಿ. ಅದೀಗ ಅವರ  ಮುಡಿಗೇರಿದೆ.

ಶನಿವಾರ ಲಾಸ್ ಏಂಜಲೀಸ್ ನಲ್ಲಿ ನಡೆದ ಪ್ರಶಸ್ತಿ ಸಮಾರಂಭದಲ್ಲಿ 62 ವರ್ಷದ ಜಾಕಿ ಚಾನ್ ಗೆ ಆಸ್ಕರ್ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ. ಪ್ರಶಸ್ತಿ ಸ್ವೀಕರಿಸಿದ ಜಾಕಿ ಇದೊಂದು ಕನಸಿನಂತೆ ಭಾಸವಾಗುತ್ತಿದೆ ಎಂದರಲ್ಲದೆ, ಚಿಕ್ಕವರಿದ್ದಾಗ ಹೆತ್ತವರೊಂದಿಗೆ ಆಸ್ಕರ್ ಪ್ರಶಸ್ತಿ ಸಮಾರಂಭ ವೀಕ್ಷಿಸಿದ ನೆನಪುಗಳನ್ನು ಮೆಲುಕು ಹಾಕಿದರು.

ಚೀನಾದ ಈ ಕಲಾವಿದ ಭಾರತದಲ್ಲೂ ಅಚ್ಚುಮೆಚ್ಚು. ಜಗತ್ತಿನಾದ್ಯಂತ ಆಕ್ಷನ್ ಪ್ರಿಯರನ್ನು ಸಂಪಾದಿಸಿರುವ ಜಾಕಿ ಬಗ್ಗೆ ಕಾಮಿಕ್ಸ್ ಗಳೂ ಬಂದಿವೆ. ಆಸ್ಕರ್ ಮುಡಿಗೇರಿಸಿದ್ದನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಅವರು ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ