ಬೆಂಗಳೂರು: ಇಂದು ಲ್ಯಾಪ್ ಟಾಪ್ ನಲ್ಲಿ ಕೆಲಸ ಮಾಡುವವರ ಸಂಖ್ಯೆ ಹೆಚ್ಚಳವಾಗಿದೆ. ಆದರೆ ಗಂಟೆಗಟ್ಟಲೆ ಲ್ಯಾಪ್ ಟಾಪ್ ಮುಂದೆ ಕೂತು ಕಣ್ಣು ನೋವು ಸಮಸ್ಯೆ ಬರುತ್ತಿದೆ ಎಂದಾದರೆ ಈ ಸಣ್ಣ ವ್ಯಾಯಾಮ ಮಾಡಿ ಕಣ್ಣಿನ ಮೇಲಿನ ಒತ್ತಡ ಕಡಿಮೆ ಮಾಡಬಹುದು.
ನೇರ ಭಂಗಿಯಲ್ಲಿ ಕೂತುಕೊಳ್ಳಿ. ಬಳಿಕ ನಿಮ್ಮ ತೋರುಬೆರಳನ್ನು ಕಣ್ಣಿನ ಎದುರು ಮುಖದಿಂದ ಕೊಂಚ ದೂರದಲ್ಲಿ ಎತ್ತಿ ಹಿಡಿಯಿರಿ. ಈಗ ಆ ತೋರು ಬೆರಳನ್ನು ನಿಧಾನವಾಗಿ ಅತ್ತಿಂದಿತ್ತ ಚಲಾಯಿಸಿ. ಆಗ ಆ ನಿಮ್ಮ ಕಣ್ಣುಗಳೂ ತೋರುಬೆರಳಿನೊಂದಿಗೇ ಅತ್ತಿಂದಿತ್ತ ನೋಡುತ್ತಿರಲಿ.
ಬಳಿಕ ಕೆಲವು ಕ್ಷಣ ನಿಮ್ಮ ದೃಷ್ಟಿಯನ್ನು ಬೇರೆ ಕಡೆಗೆ ಹಾಯಿಸಿ. ಮತ್ತೆ ತೋರುಬೆರಳಿನ ಚಲನೆಯನ್ನು ಮುಂದುವರಿಸಿ. ಇದೇ ರೀತಿ ಕೆಲವು ಸೆಕೆಂಡು ಮಾಡುತ್ತಿದ್ದರೆ ಕಣ್ಣಿಗೆ ಕೊಂಚ ವ್ಯಾಯಾಮ ಸಿಕ್ಕಂತಾಗುತ್ತದೆ.
