ನಿಖಿಲ್, ಸುಮಲತಾ ಬೆಂಬಲಿಗರ ಮಾರಾಮಾರಿ: ಲಾಠಿ ಚಾರ್ಜ್

ಹೈವೋಲ್ಟೇಜ್ ಕಣವೆಂದೇ ಗುರುತಿಸಲಾಗಿರುವ ಮಂಡ್ಯದಲ್ಲಿ ಮತದಾನದ ದಿನ ಮಾರಾಮಾರಿ ನಡೆದಿದೆ.

ಪಕ್ಷೇತರ ಅಭ್ಯರ್ಥಿ ಸುಮಲತಾ ಹಾಗೂ ಮೈತ್ರಿ ಪಕ್ಷಗಳ ಅಭ್ಯರ್ಥಿ ನಿಖಿಲ್ ಬೆಂಬಲಿಗರ ನಡುವೆ ಗಲಾಟೆ ನಡೆದಿದೆ. ಅಂಬರೀಶ್ ಹುಟ್ಟೂರಾದ ದೊಡ್ಡರಸಿನಕೆರೆಯಲ್ಲಿ ಈ ಘಟನೆ ನಡೆದಿದೆ. ಸುಮಲತಾ ಪರವಾಗಿ ಪೊಲೀಸರು ಅಡ್ಡಿಪಡಿಸಿದ್ರು ಎಂಬ ವಿಷಯವೇ ಮುಂದೆ ನಿಖಿಲ್ ಬೆಂಬಲಿಗರ ನಡುವಿನ ಕಾದಾಟಕ್ಕೆ ಕಾರಣವಾಯಿತು.

ವಾಗ್ವಾದ, ನೂಕಾಟ ಆ ಮೇಲೆ ಕೈ ಕೈ ಮಿಲಾಯಿಸಿ ಎರಡೂ ಕಡೆಯವರು ಗಲಾಟೆ ಮಾಡಿದ್ದಾರೆ. ಪರಿಸ್ಥಿತಿ ನಿಯಂತ್ರಣಕ್ಕೆ ಪೊಲೀಸರು ಲಘು ಲಾಠಿ ಚಾರ್ಜ ಮಾಡಿದ್ದಾರೆ.