ನವದೆಹಲಿ: ಕ್ರಿಕೆಟಿಗರು ಎಲ್ಲೇ ಹೋದರೂ ಅವರ ಅಭಿಮಾನಿಗಳು ಬೆಂಬಿಡದೇ ಇರುವುದಿಲ್ಲ. ಹಲವು ಕುತೂಹಲಗಳು, ಪ್ರಶ್ನೆಗಳು ಎದುರಾಗುತ್ತಲೇ ಇರುತ್ತವೆ. ಆದರೆ ಟೀಂ ಇಂಡಿಯಾ ವೇಗಿ ಇರ್ಫಾನ್ ಪಠಾಣ್ ಗೆ ಪಾಕಿಸ್ತಾನದ ಹುಡುಗಿಯೊಬ್ಬಳು ಕೇಳಿದ ಪ್ರಶ್ನೆಯನ್ನು ಅವರು ಯಾವತ್ತೂ ಮರೆಯೋದೇ ಇಲ್ಲವಂತೆ.
ಲಾಹೋರ್ ನಲ್ಲಿ ಹುಡುಗಿಯೊಬ್ಬಳು ಅವರ ಬಳಿ ಬಂದು, ನೀವು ಮುಸ್ಲಿಂ ಧರ್ಮದವರು. ಆದರೂ ಭಾರತದ ಪರ ಆಡುತ್ತಿರುವುದೇಕೆ ಎಂದು ಅವರ ಬಳಿ ಕೇಳಿದ್ದಳಂತೆ. ಕಾರ್ಯಕ್ರಮವೊಂದರಲ್ಲಿ ಮಾತನಾಡುವಾಗ ಇಂತಹದ್ದೊಂದು ಕುತೂಹಲಕಾರಿ ಘಟನೆಯನ್ನು ಅವರು ಬಹಿರಂಗಪಡಿಸಿದ್ದಾರೆ.
ಈ ಪ್ರಶ್ನೆಗೆ ಪಠಾಣ್ ಏನೆಂದರು ಗೊತ್ತೇ? “ನನಗೆ ಭಾರತದ ಪರ ಆಡುವುದೆಂದರೆ ಹೆಮ್ಮೆ. ಈ ಭಾವನೆ ನನ್ನನ್ನು ಮತ್ತಷ್ಟು ಹುರಿದುಂಬಿಸುತ್ತದೆ” ಎಂದರಂತೆ. ನನ್ನ ವೃತ್ತಿ ಜೀವನದಲ್ಲಿ ಹಲವು ನೆನಪುಗಳಿದ್ದರೂ, ಈ ಘಟನೆಯನ್ನು ಮಾತ್ರ ಯಾವತ್ತೂ ಮರೆಯೋಲ್ಲ ಎಂದಿದ್ದಾರೆ ಪಠಾಣ್.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
