ಬೆಂಗಳೂರು: ವಿರಾಟ್ ಕೊಹ್ಲಿಗೆ ಕೋಪ ಜಾಸ್ತಿ ಎನ್ನುವುದು ಎಲ್ಲರಿಗೂ ಗೊತ್ತು. ಅವರು ಧೋನಿಯಂತಲ್ಲ. ಸಿಟ್ಟನ್ನು ನುಂಗಿಕೊಂಡು ಶಾಂತವಾಗಿರಲು ಅವರಿಗೆ ಗೊತ್ತಿಲ್ಲ. ಏನಿದ್ದರೂ ನೇರವಾಗಿ ತೋರಿಸಿಬಿಡುತ್ತಾರೆ. ಚಿನ್ನಸ್ವಾಮಿ ಮೈದಾನದಲ್ಲೂ ಅದೇ ಆಯಿತು.
ಆರಂಭಿಕರಾಗಿ ಕೆಎಲ್ ರಾಹುಲ್ ಜತೆ ಕಣಕ್ಕಿಳಿದ ಕೊಹ್ಲಿ ಎರಡನೇ ಓವರಿನಲ್ಲೇ ಸಿಂಗಲ್ಸ್ ಕದಿಯುವ ಯತ್ನದಲ್ಲಿ ಔಟಾದರು. ಅದೂ ವಿಕೆಟ್ ಪಕ್ಕವೇ ಬಾಲ್ ತಳ್ಳಿ ಇನ್ನೊಂದು ತುದಿಯಿಂದ ಓಡಿ ಬರುತ್ತಿದ್ದ ರಾಹುಲ್ ನೋಡಿಕೊಂಡು ತಾವೂ ಓಡಲು ಅನುವಾದರು.
ಅಪಾಯ ಅರಿತು ಮರಳಿ ಅವರು ಕ್ರೀಸ್ ಗೆ ಬರುವಷ್ಟರಲ್ಲಿ ಬೌಲರ್ ಜೋರ್ಡಾನ್ ವಿಕೆಟ್ ಗೆ ಚೆಂಡು ತಗುಲಿಸಿಯಾಗಿತ್ತು. ಅದಕ್ಕೇ ಕೊಹ್ಲಿಗೆ ರಾಹುಲ್ ಮೇಲೆ ಎಲ್ಲಿಲ್ಲದ ಸಿಟ್ಟು ಬಂತು. ಕ್ರೀಸ್ ನಲ್ಲಿ ನಿಂತುಕೊಂಡೇ ರಾಹುಲ್ ಮೇಲೆ ಕೆಂಡ ಕಾರಿ ನಿರಾಸೆಯಿಂದ ಪೆವಿಲಿಯನ್ ಗೆ ಮರಳಿದರು. ನಾಯಕನ ಕೋಪ ಅರಿತ ರಾಹುಲ್ ಪ್ರತಿಕ್ರಿಯೆ ಕೊಡಲು ಹೋಗಿಲ್ಲ. ನಂತರ ಬ್ಯಾಟ್ ನಿಂದ ಭರ್ಜರಿ ಪ್ರದರ್ಶನ ನೀಡಿದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
