ಪಾಟ್ನಾ: ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಅದೇನೋ ಇದೆಯಂತೆ. ಅದೇನದು? ಹಾಗಾಗಿಯೇ ಭಾರತ ಯಶಸ್ಸು ಕಂಡಿತಂತೆ. ಹಾಗಂತ ಯಾರು ಹೇಳಿದ್ದು? ಹೇಳಿದ್ದು ಶ್ರೀಲಂಕಾದ ಮಾಜಿ ಕ್ರಿಕೆಟಿಗ ಸನತ್ ಜಯಸೂರ್ಯ.
ವಿರಾಟ್ ಕೊಹ್ಲಿಯವರ ಸ್ಪೂರ್ತಿಯುತ ನಾಯಕತ್ವವೇ ಟೀಂ ಇಂಡಿಯಾ ಇಂಗ್ಲೆಂಡ್ ವಿರುದ್ಧ ದೊಡ್ಡ ಮಟ್ಟಿನ ಯಶಸ್ಸಿಗೆ ಕಾರಣವಾಗಿದ್ದು. ಅವರ ಈ ಸ್ಪೂರ್ತಿಯಿಂದ ಟೀಂ ಇಂಡಿಯಾ ತಾಳ ಮೇಳ ಸರಿಯಾಗಿದೆ. ಹೀಗಾಗಿ ಇಂಗ್ಲೆಂಡ್ ನಂತಹ ದೊಡ್ಡ ತಂಡವನ್ನು ಸದೆಬಡಿಯಲು ಸಾಧ್ಯವಾಯಿತು ಎಂದು ಜಯಸೂರ್ಯ ಅಭಿಪ್ರಾಯಪಟ್ಟಿದ್ದಾರೆ.
ಅಲ್ಲದೆ ಅನಿಲ್ ಕುಂಬ್ಳೆಯಂತಹ ದಿಗ್ಗಜ ಬೌಲರ್ ನ ಕೋಚಿಂಗ್ ಕೂಡಾ ಟೀಂ ಇಂಡಿಯಾ ಆಟಗಾರರ ಯಶಸ್ಸಿಗೆ ಕಾರಣ ಎಂದಿದ್ದಾರೆ. ಎಲ್ಲರೂ ಗೆದ್ದೆತ್ತಿನ ಬಾಲ ಹಿಡಿಯುವವರೇ. ಒಂದು ಸರಣಿ ಸೋತರೆ ಸಾಕು. ಇದೇ ಮಾಜಿಗಳು ಕೊಹ್ಲಿ, ಕುಂಬ್ಳೆಗೆ ಹಿಗ್ಗಾ ಮುಗ್ಗಾ ವಾಗ್ದಾಳಿ ನಡೆಸುವವರೇ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
