ಟೀಂ ಇಂಡಿಯಾ ಕ್ರಿಕೆಟಿಗ ಯಜುವೇಂದ್ರ ಚಾಹಲ್ ರನ್ನು ‘ನಾಯಿ’ ಎಂದ ಇಂಗ್ಲೆಂಡ್ ಕ್ರಿಕೆಟಿಗ

ಲಾರ್ಡ್ಸ್: ಟೀಂ ಇಂಡಿಯಾ ಸ್ಪಿನ್ನರ್ ಯಜುವೇಂದ್ರ ಚಾಹಲ್ ರನ್ನು ನಾಯಿಗೆ ಹೋಲಿಸಿ ಇಂಗ್ಲೆಂಡ್ ಕಾಮೆಂಟೇಟರ್, ಕ್ರಿಕೆಟಿಗ ಗ್ರೇಮ್ ಸ್ವಾನ್ ವಿವಾದಕ್ಕೀಡಾಗಿದ್ದಾರೆ.

ಲಾರ್ಡ್ಸ್ ‍ನಲ್ಲಿ ನಡೆದಿದ್ದ ದ್ವಿತೀಯ ಏಕದಿನ ಪಂದ್ಯದಲ್ಲಿ ರನೌಟ್ ಆಗುವುದನ್ನು ತಪ್ಪಿಸಿಕೊಳ್ಳಲು ಚಾಹಲ್ ಗೊತ್ತು ಗುರಿಯಿಲ್ಲದೇ ವಿಕೆಟ್ ಕಡೆಗೆ ಓಡಿದ್ದರು. ಇದನ್ನು ನೋಡಿ ಸ್ವಾನ್ ‘ನಾಯಿಯ ರೀತಿ’ ಎಂದು ವಿವಾದವೆಬ್ಬಿಸಿದ್ದಾರೆ.

ಸ್ವಾನ್ ರ ಈ ಜನಾಂಗೀಯ ನಿಂದನೆ ಬಗ್ಗೆ ಭಾರತೀಯ ಪ್ರೇಕ್ಷಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಹಿಂದೆ 2011 ರಲ್ಲಿ ಇದೇ ರೀತಿ ಇಂಗ್ಲೆಂಡ್ ಮಾಜಿ ನಾಯಕ, ಕಾಮೆಂಟೇಟರ್ ಆಗಿದ್ದ ನಾಸಿರ್ ಹುಸೇನ್ ಭಾರತೀಯ ಆಟಗಾರರನ್ನು ಕತ್ತೆಗಳು ಎಂದಿದ್ದರು. ಈ ಬಾರಿ ಮತ್ತೆ ಭಾರತೀಯ ಆಟಗಾರನಿಗೆ ಇಂಗ್ಲೆಂಡ್ ಕಾಮೆಂಟೇಟರ್ ಅವಮಾನಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.