ಮುಂಬೈ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಇತ್ತೀಚೆಗೆ ತಮ್ಮ ಇನ್ ಸ್ಟಾಗ್ರಾಂ ಪುಟದಲ್ಲಿ ಪ್ರಕಟಿಸುವ ಫೋಟೋಗಳು ಒಂದಲ್ಲಾ ಒಂದು ಕಾರಣಕ್ಕೆ ಸುದ್ದಿಯಾಗುತ್ತಿದೆ.
ಇದೀಗ ವಿರಾಟ್ ಪ್ರಕಟಿಸಿದ ಫೋಟೋ ಅವರ ಟಿ ಶರ್ಟ್ ಕಾರಣಕ್ಕೆ ಸುದ್ದಿಯಾಗಿದೆ. ಪತ್ನಿ ಅನುಷ್ಕಾ ಶರ್ಮಾ ಕ್ಲಿಕ್ಕಿಸಿದ ತಮ್ಮ ಫೋಟೋವೊಂದನ್ನು ಪ್ರಕಟಿಸಿರುವ ವಿರಾಟ್ ಶರ್ಟ್ ಎದೆ ಭಾಗದಲ್ಲಿರುವ ಅಕ್ಷರ ನೋಡಿ ನೆಟ್ಟಿಗರು ಲೈಕ್ ಮಾಡಿದ್ದಾರೆ.
ವಿರಾಟ್ ಧರಿಸಿದ ಬಿಳಿ ಟಿ ಶರ್ಟ್ ನ ಎದೆ ಭಾಗದಲ್ಲಿ ಕೆಂಪು ಅಕ್ಷರದಲ್ಲಿ ಲವ್ ಚಿಹ್ನೆಯ ಜತೆಗೆ ಅನುಷ್ಕಾ ಶರ್ಮಾ ಹೆಸರಿನ ಎ ಅಕ್ಷರವನ್ನು ಬರೆಸಿಕೊಂಡಿದ್ದಾರೆ. ಇದನ್ನು ನೋಡಿ ನೆಟ್ಟಿಗರು ನಿಮ್ಮಿಬ್ಬರ ನಡುವಿನ ಲವ್ ಹೀಗೇ ಇರಲಿ ಎಂದು ಹಾರೈಸುತ್ತಿದ್ದಾರೆ.
